«ىشكى ىستەر ورگاندارىنىڭ ۆەدومستۆولىق تۇرعىن ءۇي قورى جوق. سوندىقتان ىشكى ىستەر مينيسترلىگى قىزمەتكەرلەرگە تۇرعىن ءۇيدى جالداۋ ءۇشىن وتەماقى تولەۋمەن شەكتەلەدى. الايدا, بۇل تولەمدەردى بارلىق قىزمەتكەر الا المايدى. ويتكەنى تۇرعىن ءۇي تولەمدەرىن الۋ ءۇشىن قىزمەتكەرلەردىڭ جەكەلەگەن ساناتتارىنىڭ تىزبەسىن ۇكىمەت ايقىندايدى. سوعان بايلانىستى بۇگىندە ىشكى ىستەر ورگاندارى قىزمەتكەرلەرىنىڭ 28 پايىزعا جۋىعى باسپاناعا مۇقتاج», دەدى سەناتور.
نۇرلان بەكنازاروۆ بۇل پروبلەما كادرلاردىڭ تۇراقتاماۋىنا, ىشكى ىستەر ورگاندارى قىزمەتكەرلەرىنىڭ جۇمىسقا دەگەن جاۋاپكەرشىلىگى مەن ىنتاسىنىڭ تومەندەۋىنە تىكەلەي اسەر ەتەدى دەپ ەسەپتەيدى.
سەناتور وسى ماسەلەلەردى شەشۋ ءۇشىن پرەمەر-مينيستردەن ءتيىستى, قاجەت بولسا قولدانىستاعى زاڭناماعا وزگەرىستەر ەنگىزۋدى تالاپ ەتەتىن شارالار قابىلداۋدى سۇرادى.
