«وزدەرىڭىزگە بەلگىلى, مەملەكەت باسشىسىنىڭ جارلىعىمەن قاڭتار ايىندا بەيبىت يساباەۆ سەنات دەپۋتاتى بولىپ تاعايىندالدى. بەيبىت وكسىكباي ۇلىن بىلىكتى جانە تاجىريبەلى مەملەكەت قايراتكەرى رەتىندە جاقسى بىلەسىزدەر. كونستيتۋتسيالىق نورمالارعا سايكەس, جاڭادان تاعايىندالعان دەپۋتات پالاتا وتىرىسىندا انت بەرۋى ءتيىس», دەدى سەنات توراعاسى ماۋلەن اشىمباەۆ.
سەناتتىڭ بۇگىنگى جالپى وتىرىسىندا ب. يساباەۆ دەپۋتات رەتىندە انت بەردى.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىنا قاتاڭ باعىنۋعا, دەپۋتاتتىڭ وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن», دەدى ول.
ايتا كەتەيىك, بيىل قاڭتار ايىندا بەيبىت يساباەۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى.
