پوليتسياعا الاياقتىق فاكتىسى بويىنشا الكوگول ونىمدەرىنىڭ ساۋداسىمەن اينالىساتىن كاسىپكەر جۇگىندى.
كاسىپكەر ايەلدىڭ ايتۋى بويىنشا, تاجىكستان رەسپۋبليكاسىنان كەلگەن جۇمىسشىنىڭ ءبىرى ونىڭ 3,1 ملن تەڭگەسىن الداپ, يەمدەنىپ كەتكەن.
«24 جاستاعى شەتەلدىك ازامات وتكەن جىلدىڭ جازىنان باستاپ دۇكەندە جۇك تيەۋشى بولىپ جۇمىس ىستەگەن. كاسىپكەردىڭ سەنىمىنە كىرگەن ول, ايەلگە كوتەرمە باعامەن الكوگول ساتىپ الۋدى ۇسىنعان. جىگىت سۋپەرماركەتتەردىڭ ءىرى جەلىلەرىنىڭ بىرىنەن دوسى وعان ارزان باعامەن الكوگول الۋعا كومەكتەسەتىنىن ايتقان. سودان جك يەسى قاجەتتى سومانى قىزمەتكەرىنىڭ قولىنا بەرىپ, ونىمەن بىرگە تاۋاردى جەتكىزۋ ءۇشىن «گازەل» اۆتوكولىگىن جىبەرگەن. كۇدىكتى جۇرگىزۋشىنى سۋپەرماركەتتىڭ تۇراعىندا قالدىرىپ, ءوزى ىشكە كىرىپ كەتىپ بەلگىسىز باعىتقا قاراي بوي تاسالاعان.
پوليتسيا قىزمەتكەرلەرى جەدەل-ىزدەستىرۋ شارالارى بارىسىندا شەتەلدىك ازاماتتى سارىاعاش قالاسىندا ۇستادى. قازىرگى ۋاقىتتا الاياقتىق فاكتىسى بويىنشا سوتقا دەيىنگى تەرگەۋ جۇرگىزىلۋدە», دەپ حابارلادى نۇر-سۇلتان قالاسىنىڭ پوليتسيا دەپارتامەنتى.
كۇدىكتى پد ۋاقىتشا ۇستاۋ يزولياتورىنا قامالدى.
