ۇكىمەت باسشىسى «بايتەرەك» ۇبح» اق-نىڭ بۇرىنعى باسقارما توراعاسى ايدار ارىپحانوۆقا حولدينگ باسشىسى رەتىندە اتقارعان جۇمىسى ءۇشىن العىس ءبىلدىردى.
پرەمەر-مينيستر حولدينگتىڭ جاڭا باسشىسى قانات شارلاپاەۆتى تانىستىرا وتىرىپ, ونىڭ الەمدەگى ءىرى ينۆەستيتسيالىق بانكتەردىڭ ءبىرى – «سيتي» قۇرىلىمدارىنداعى ۇلكەن باسقارۋشىلىق جۇمىس تاجىريبەسىن اتاپ ءوتتى.
«بايتەرەكتىڭ» الدىنا ماڭىزدى مىندەتتەر قويىلدى. ءبىرىنشى كەزەكتە, بۇل – ەكونوميكانىڭ شيكىزاتتىق ەمەس سەكتورلارىن, كاسىپكەرلىكتى دامىتۋ, قارجىلاندىرۋدىڭ قولجەتىمدىلىگىن ارتتىرۋ جانە اوك-تەگى ءوندىرىستى كەڭەيتۋ. مەملەكەت باسشىسى الەۋمەتتىك-ەكونوميكالىق دامۋدىڭ اتالعان باعىتتارىنا باسا كوڭىل بولەدى جانە حولدينگ جۇمىسىنان ءتيىمدى ناتيجە كۇتەدى», دەدى ءا. سمايىلوۆ.
قانات شارلاپاەۆ 1981 جىلى ساراتوۆ وبلىسىندا دۇنيەگە كەلگەن.
ساراتوۆ الەۋمەتتىك-ەكونوميكالىق ۋنيۆەرسيتەتىن (رف), Cranfield School of Management ( ۇلىبريتانيا) بىتىرگەن.
ەڭبەك جولىن 2003 جىلى بانك سەكتورىندا باستادى.
2006-2008 جىلدارى «سيتي» ينۆەستبانكىنىڭ ( ۇلىبريتانيا, چەحيا) وڭىرلىك كەڭسەسىنىڭ قارجى دەپارتامەنتىندە, جوبالاردى باسقارۋ دەپارتامەنتىندە, وپەراتسيالىق-تەحنولوگيالىق دەپارتامەنتىندە, ساتۋ باسقارماسىندا جۇمىس ىستەدى.
2008-2014 جىلدارى — «سيتي» ينۆەستبانكىندە (لوندون, ۇلىبريتانيا) اعا تالداۋشى, ۆيتسە-پرەزيدەنت كومەكشىسى, اكتسيالار نارىعىنداعى جۇمىس جونىندەگى وڭىرلىك ديۆيزيوننىڭ ۆيتسە-پرەزيدەنتى.
2014-2015 جىلدارى — «سيتي» ينۆەستبانكىنىڭ ەۋروپا, تاياۋ شىعىس جانە افريكا بويىنشا ستراتەگيالىق جوسپارلاۋ جانە تالداۋ وڭىرلىك توبىنىڭ ۆيتسە-پرەزيدەنتى (لوندون, ۇلىبريتانيا).
2015-2017 جىلدارى — «سيتيبانك قازاقستاننىڭ» باس قارجى ديرەكتورى, باسقارما توراعاسىنىڭ ورىنباسارى, اعا ۆيتسە-پرەزيدەنتى.
2017-2020 جىلدارى — رەسەي سيتيبانكىندە رەسەي, ۋكراينا جانە قازاقستان بويىنشا باس قارجى ديرەكتورى, اعا ۆيتسە-پرەزيدەنتى.
2020 جىلدان باستاپ قازىرگى ۋاقىتقا دەيىن «سيتي» ينۆەستبانكىنىڭ ء(باا) افريكا, تاياۋ شىعىس جانە شىعىس ەۋروپانىڭ دامۋشى نارىقتارىنداعى ستراتەگيا, جوسپارلاۋ جانە تالداۋ جونىندەگى وڭىرلىك ديرەكتورى قىزمەتىن اتقاردى.
