«ارنايى تەرگەۋ قورىتىندىسى بويىنشا, كوميسسيا جازاتايىم وقيعانىڭ سەبەپتەرىن انىقتاپ, تاراپتاردىڭ ارالاس جاۋاپكەرشىلىگىن بەلگىلەدى. زارداپ شەككەندەرگە ەڭبەك قاۋىپسىزدىگى جانە ەڭبەكتى قورعاۋ قاعيدالارىن, مەتالل ارقاندى بايلاۋ جانە تاسىمالداۋ بويىنشا, سونداي-اق تاۋ-كەن قازبالارى بويىنشا جۇكتەردى بايلاۋ جانە تاسىمالداۋ سحەمالارىن ورەسكەل بۇزۋعا جول بەرىلگەن. جۇمىس بەرۋشى تاراپىنان جۇمىس وندىرىسىنە ءتيىستى باقىلاۋ ءالسىز», دەلىنگەن قاراعاندى وبلىسىنىڭ ەڭبەك ينسپەكتسياسى جونىندەگى باسقارماسىنىڭ ءباسپاسوز قىزمەتى جاريالاعان كوميسسيا قورىتىندىسىندا.
كوميسسيا قۇرامىنا مەملەكەتتىك ەڭبەك ينسپەكتورى, «شاحتينسكايا» شاحتاسىنىڭ باسشىلىعى, «قورعاۋ» كومىرشىلەر كاسىپوداعىنىڭ وكىلدەرى جانە قاراعاندى وبلىسى بويىنشا ونەركاسىپتىك قاۋىپسىزدىك دەپارتامەنتىنىڭ باس مامانى كىرگەن. ارنايى تەرگەۋ اياقتالعاننان كەيىن ماتەريالداردىڭ كوشىرمەسى اۋماقتىق پوليتسيا ورگانىنا جىبەرىلدى, دەپ تولىقتىردى ۆەدومستۆو وكىلدەرى.
قاراعاندى وبلىسى پد ءباسپاسوز قىزمەتى تاۋ-كەن جۇمىسشىسىنىڭ ءولىمى قر قك-ءنىڭ 227-بابىنىڭ 2-بولىگى «تاۋ-كەن جۇمىستارىن جۇرگىزۋ كەزىندە ابايسىزدا ادام ولىمىنە اكەپ سوققان قاۋىپسىزدىك ەرەجەلەرىن بۇزۋ» بويىنشا تەرگەلىپ جاتقانىن ايتتى.
سونىمەن قاتار, پوليتسيا «ارسەلورميتتال تەمىرتاۋ» بولات دەپارتامەنتىنىڭ اگلوفابريكاسىنداعى كونۆەيەرگە ءتۇسىپ كەتكەن 46 جاستاعى بريگاديردىڭ ولىمىنە قاتىستى قىلمىستىق ءىستى تەرگەپ جاتىر. وقيعا قر قك-نىڭ 156-بابى 3-بولىگى «ابايسىزدا ادام ولىمىنە اكەپ سوققان ەڭبەكتى قورعاۋ قاعيدالارىن بۇزۋ» بويىنشا تىركەلگەن.
ايتا كەتەيىك, 22 جەلتوقساندا «ارسەلورميتتال تەمىرتاۋ» كومىر دەپارتامەنتىنىڭ "شاحتينسكايا" شاحتاسىندا 1975 جىلى تۋعان جۇمىسشى مەتالل سىنىقتارىن تيەۋ جۇمىستارى كەزىندە زارداپ شەككەن بولاتىن. ول مەديتسينالىق مەكەمەگە جاتقىزىلىپ, كەيىننەن قازا بولاعان ەدى.
