«وتكەن اپتاداوتكەن Nur Otan-نىڭ XXI تاريحي سەزىندە پارتياعا جاڭا مىندەتتەر قويىلدى. سوندىقتان مەن پارتيا توراعاسى قاسىم-جومارت كەمەل ۇلى توقاەۆقا اتقارىپ وتىرعان قىزمەتىمنەن بوساتۋ تۋرالى ءتيىستى ءوتىنىش بەردىم. بۇگىن مەنىڭ ءوتىنىشىم قاناعاتتاندىرىلدى», دەدى باۋىرجان بايبەك.
باۋىرجان بايبەك مەملەكەتتىك جانە پارتيالىق قىزمەتتە 20 جىلدان استام ەڭبەك ەتتى. ەكى رەت, جالپى العاندا 6 جىلعا جۋىق – Nur Otan پارتياسى توراعاسىنىڭ ءبىرىنشى ورىنباسارى, 3 جىلعا جۋىق – پرەزيدەنت اكىمشىلىگى باسشىسىنىڭ ورىنباسارى لاۋازىمدارىندا, 4 جىل الماتى قالاسىنىڭ اكىمى بولىپ جۇمىس ىستەگەن.
«قانداي قىزمەت اتقارسام دا, قاي سالاعا جاۋاپتى بولسام دا, مەن ارقاشان وتانىمىزدىڭ تاۋەلسىزدىگىن نىعايتۋعا, قوعامدا ىشكى ساياسي تۇراقتىلىق پەن كەلىسىمدى قامتاماسىز ەتۋگە, ەل ازاماتتارىنىڭ ءال-اۋقاتىن ارتتىرۋعا ءوزىمنىڭ ۇلەسىمدى قوسۋعا تىرىستىم. ءوز جۇمىسىمدا اشىقتىق جانە جاۋاپكەرشىلىك قاعيدالارىن باسشىلىققا الدىم. ار-نامىس, سوزگە بەرىكتىك جانە ىسكە ادالدىق دەگەن ۇعىمدار مەن ءۇشىن ارقاشان ءبىرىنشى ورىندا بولدى», دەدى ول.
سونداي-اق ول وزىنە جۇكتەلگەن جۇمىستاردى اتقارۋدا زور سەنىم بىلدىرگەنى ءۇشىن تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆقا العىس ءبىلدىردى.
«مەملەكەت باسشىسى, Nur Otan پارتياسىنىڭ توراعاسى قاسىم-جومارت كەمەل ۇلى توقاەۆقا وسى جىلدارى جان-جاقتى قولداۋ كورسەتكەنى ءۇشىن شىنايى العىس ايتامىن. پارتيا اپپاراتىنىڭ قىزمەتكەرلەرىنە, سونداي-اق ورتالىقتاعى جانە جەرگىلىكتى جەرلەردەگى بارلىق پارتيا مۇشەلەرىنە ەرەكشە العىس بىلدىرەمىن. ولار – جاۋاپكەرشىلىكتى ءوز موينىنا الۋدان قورىقپايتىن ىسكەر جاندار, قازاقستاننىڭ بولاشاعى ءۇشىن كۇن سايىن قاجىرلى ەڭبەك ەتەتىن ناعىز پاتريوتتار. سىزدەرمەن بىرگە جۇمىس ىستەۋ مەن ءۇشىن ۇلكەن مارتەبە بولدى!», دەدى ب. بايبەك.
ءسوز سوڭىندا ول تاعدىرشەشتى كەزەڭدە ءاربىر ازامات ءوزىنىڭ كوزقاراسى مەن سەنىمىنە قاراماستان مەملەكەت باسشىسىنىڭ اينالاسىنا توپتاسۋعا شاقىردى.
