«وسىعان دەيىن كىشكەنتاي بالالارعا مەكتەپتەگى سياقتى كەستەگە سايكەس 20 مينۋتتىق ساباقتار جۇرگىزىلىپ كەلگەن بولسا, ەندى جاڭا مودەل بويىنشا پەداگوگ وقىتۋ مەن تاربيەلەۋدى بالانىڭ باقشاعا كەلگەن تۇسىنان باستاپ, وسى جاستاعى بالالاردىڭ فيزيولوگيالىق جانە پسيحولوگيالىق قاجەتتىلىكتەرى بويىنشا ويىن جانە كوممۋنيكاتسيالار ارقىلى ارنايى ادىستەمەمەن ىسكە اسىراتىن بولادى. شەتەلدىك تاجىريبەلەردىڭ زەرتتەۋلەرى دە وسى ادىستەمەنىڭ ماڭىزدىلىعىن كورسەتىپ وتىر», دەدى ۆەدومستۆو باسشىسى.
سونداي-اق ول بالاباقشالاردىڭ ساپاسىن قامتاماسىز ەتۋ ءۇشىن ولارعا دەگەن تالاپتار كۇشەيتىلەتىن اتادى.
«ياعني ماتەريالدىق-تەحنيكالىق بازا, بەينەباقىلاۋ جۇيەسى, پەداگوگتەردىڭ بىلىكتىلىگى, سانيتاريالىق, ورتكە قارسى نورمالارعا سايكەستىگى, وسىنىڭ ءبارى مەملەكەتتىك تاپسىرىستى بەرۋدىڭ باستى تالاپتارى بولادى.
سونىڭ ىشىندە جەكەمەنشىك بالاباقشالاردان دا بالالارعا قولايلى جاعداي جاساۋ تالاپ ەتىلەدى. ۇشىنشىدەن, بالاباقشالارداعى ورىنداردى ءبولۋ كەزىندەگى اشىقتىقتى قامتاماسىز ەتۋ ءۇشىن, وبلىستارداعى ەلەكتروندى كەزەكتەردىڭ ءبارى ەندى رەسپۋبليكا بويىنشا بىرىڭعاي بازاعا ەنىپ, بىرىكتىرىلەتىن بولادى», دەدى اسحات ايماعامبەتوۆ.
