سينوپتيكتەردىڭ بولجامىنا سايكەس, اقپاندا ەلىمىزدىڭ باسىم بولىگىندە اۋانىڭ ورتاشا تەمپەراتۋراسى كليماتتىق نورمادان 1-2°س جوعارى بولادى.
ەلىمىزدىڭ شىعىسىندا تايمىر مەن شىعىس ءسىبىر اۋداندارىنان سۋىق انتيتسيكلوننىڭ ىقپال ەتۋىنە بايلانىستى اۋا تەمپەراتۋراسى كليماتتىق نورما شاماسىندا بولادى.
اقپاندا جاۋىن-شاشىن مولشەرى رەسپۋبليكانىڭ باسىم بولىگىندە نورما شاماسىندا بولادى, ال قازاقستاننىڭ باتىسىندا, وڭتۇستىك, وڭتۇستىك-شىعىس جانە شىعىس اۋماقتاردىڭ تاۋلى جانە تاۋ بوكتەرلى وڭىرلەرىندە نورمادان كوپ جاۋادى.
اقپاننىڭ العاشقى 10 كۇننىڭ باسىندا قازاقستاننىڭ باسىم بولىگىندە اياز بولادى جانە جاۋىن-شاشىن از جاۋادى, ال رەسپۋبليكانىڭ باتىسىندا باتىس جانە وڭتۇستىك تسيكلونداردىڭ ىقپالىنان جاۋىن-شاشىن (جاڭبىر, قار) جاۋادى, جەل 15-20 م/س دەيىن كۇشەيەدى, تۇمان جانە كوكتايعاق بولادى.
رەسپۋبليكانىڭ قالعان اۋماعىندا دا جاۋىن-شاشىن جاۋادى, جەل بولادى.
اقپاننىڭ ءبىرىنشى ونكۇندىگىنىڭ ءبىرىنشى جارتىسىندا ەلدىڭ وڭتۇستىگى مەن باتىسىندا كۇندىز اۋا تەمپەراتۋراسى كوتەرىلەدى.
ءبىرىنشى ونكۇندىكتىڭ ورتاسىندا ەلىمىزدىڭ سولتۇستىگىندە جانە ورتالىعىندا تۇندە -10...-20°س-تان -5...-13°س-قا دەيىن, كۇندىز -5...-15°س-تان 0...-8°س-قا دەيىن اياز بولادى.
ونكۇندىكتىڭ سوڭىندا رەسپۋبليكانىڭ شىعىسىندا تەمپەراتۋرا تۇندە -18...-23°س-تان -12...-17°س-قا دەيىن, سولتۇستىك-شىعىستا -28...-33°س-تان -20°س-قا دەيىن, كۇندىز -10...-15°س-تان -5...-10°س-قا دەيىن جوعارىلايدى.
ەكىنشى جانە ءۇشىنشى ونكۇندىكتەردە اۋا رايى تۇراقسىز بولادى: جاۋىن-شاشىن (جاڭبىر, قار), ەكپىندى جەل, ەلىمىزدىڭ سولتۇستىك-باتىس جارتىسى مەن باتىسىندا بۇرقاسىن, وڭتۇستىگىندە كەي كۇندەرى شاڭدى داۋىل بولادى.
كەي كۇندەرى شىعىس ءسىبىر اۋداندارىنان سۋىق انتيتسيكلوننىڭ اسەرىنەن تەمپەراتۋرا تومەندەيدى:
باتىستا جانە سولتۇستىك-باتىستا تۇندە -12...-22°س-قا دەيىن, كۇندىز -3...-10°س-قا دەيىن;
سولتۇستىك جارتىسىندا تۇندە -20...-35°س-قا دەيىن, كۇندىز -13...-18°س-قا دەيىن;
وڭتۇستىك جارتىسىندا تۇندە -8...-15°س-قا دەيىن, كۇندىز -5...+3°س-قا دەيىن.
كەي كۇندەرى تەمپەراتۋرا جوعارىلايدى:
باتىستا تۇندە -5...+1°س-قا دەيىن, كۇندىز +2...+8°س-قا دەيىن;
سولتۇستىك-باتىستا, سولتۇستىكتە, ورتالىقتا جانە شىعىستا تۇندە -3...-15°س-قا دەيىن, كۇندىز -6...+3°س-قا دەيىن;
وڭتۇستىكتە, وڭتۇستىك-شىعىستا جانە وڭتۇستىك-باتىستا تۇندە -5...+5°س دەيىن, كۇندىز +5...+12°س دەيىن كوتەرىلەدى.
