قىتايعا قازاقستاننان ەكولوگيالىق تازا اۋىل شارۋاشىلىعى ونىمدەرىن جەتكىزۋ كولەمىن ۇلعايتۋ, سونداي-اق شەكارا ماڭىنداعى ءوزارا ءىس-قيمىلدى ودان ءارى ارتتىرۋ پەرسپەكتيۆالارىنا ەرەكشە نازار اۋدارىلدى.
پرەمەر-مينيستر جەتكىزۋ تىزبەگىن قالپىنا كەلتىرۋ, قازاقستان – قىتاي شەكاراسىنداعى بارلىق اۆتوموبيل جانە تەمىرجول وتكىزۋ پۋنكتتەرىنىڭ ۇزدىكسىز جۇمىسىن قامتاماسىز ەتۋ, سونىمەن قاتار قر مەن قحر اراسىنداعى تىكەلەي اۋە قاتىناسىن قالپىنا كەلتىرۋ قاجەتتىلىگىن اتاپ ءوتتى.
«مەملەكەت باسشىسى قازاقستان ەكونوميكاسىن «قايتا قاراۋ» جانە سىرتقى باستى سەرىكتەستەرمەن, سونىڭ ىشىندە قىتايمەن ساۋدا-ەكونوميكالىق ىنتىماقتاستىقتى جانداندىرۋ جونىندە الدىمىزعا بىرقاتار مىندەت قويدى», دەدى ءا. سمايىلوۆ.
چجان سياو قازاقستانمەن ىنتىماقتاستىق قىتايدىڭ سىرتقى ساياساتىنداعى باسىم باعىتتاردىڭ ءبىرى ەكەنىن اتاپ ءوتتى. قحر قازاقستاننىڭ سەنىمدى سەرىكتەسى بولىپ قالا بەرەدى جانە قاجەتتى قولداۋ مەن جاردەم كورسەتۋگە دايىن.
ايتا كەتەيىك, قىتاي - قازاقستاننىڭ ءىرى سىرتقى ساۋدا جانە ينۆەستيتسيالىق سەرىكتەستەرىنىڭ ءبىرى. 2021 جىلدىڭ 11 ايىندا ەكىجاقتى ساۋدا كولەمى $17 ملرد-تان اسىپ, 13,6%-عا ءوستى.
