ىشكى ىستەر مينيسترلىگىنىڭ ۇيلەستىرۋىمەن تۇركىستان وبلىسى پوليتسيا دەپارتامەنتى سوزاق اۋدانىندا «قازاتومونەركاسىپ» كاسىپورىندارىنان اسا ءىرى كولەمدەگى جانار-جاعارماي مەن باسقا دا ماتەريالدىق باعالى زاتتاردى ۇرلاۋمەن اينالىسقان قىلمىستىق توپ قىزمەتىنىڭ جولىن كەستى.
قىلمىستىق توپ قۇرامىنا وننان استام ادام كىرگەن. ونىڭ ىشىندە سوتتالعاندار مەن دەسترۋكتيۆتىك ءدىني اعىمدارعا قاتىسى بار ادامدار بولعان. ولار اي سايىن ون ميلليون تەڭگە كولەمىندە م ۇلىك ۇرلاۋمەن اينالىسقان.
سونداي-اق ولار بوپسالاۋ, كاسىپكەرلەرگە «قامقورلىق جاساۋمەن» اينالىسقان. كريمينالدىق ورتادا وزدەرىنىڭ ۇستانىمدارىن نىعايتۋ ءۇشىن قارۋ قولدانا وتىرىپ, ەسەپ ايىرىسۋلار جاساعان.
«تىنتۋلەر بارىسىندا قىلمىسكەرلەردەن ەسىرتكىلەر, اتىس قارۋى, كۇماندى ءدىني ادەبيەت, قىلمىستىق جولمەن الىنعان اقشالاي قاراجات, «قارا بۋحگالتەريا» بلوكنوتتارى جانە «قازاتومپروم» كاسىپورىندارىنان ۇرلانعان ماتەريالدىق باعالى زاتتار تابىلدى. اتالعان فاكتىلەر بويىنشا قازاقستان رەسپۋبليكاسى قك-ءنىڭ 197 (مۇناي جانە مۇناي ونىمدەرىن تاسىمالداۋ جانە ساتىپ الۋ), 287 (قارۋ مەن وق-دارىلەردى زاڭسىز ساتىپ الۋ, بەرۋ, ساتۋ جانە ساقتاۋ) جانە 296 (ەسىرتكى قۇرالدارىمەن زاڭسىز ءىس-ارەكەت) باپتارى بويىنشا سوتقا دەيىنگى تەرگەپ-تەكسەرۋ باستالدى. قالعان فاكتىلەر بويىنشا دالەلدەر جيناۋ جۇرگىزىلۋدە», دەپ جازىلعان حابارلامادا.
بارلىق جەدەل ءىس-شارالار پروكۋروردىڭ سانكتسياسىمەن جۇرگىزىلدى, كىنالى ادامدار ۇستالدى جانە سوتتىڭ سانكتسياسىمەن تەرگەۋ يزولياتورىنا ەنگىزىلدى.
