اقپارات جانە قوعامدىق دامۋ ءمينيسترى اسقار ۋماروۆ پەن استانالىق جانە قازاقستاندىق ميتروپوليت الەكساندر كەزدەستى.
مينيستر پراۆوسلاۆ شىركەۋى قاشان دا مينيسترلىكتىڭ ەلدەگى كونفەسسياارالىق كەلىسىم قۇندىلىقتارىن دامىتۋعا باعىتتالعان كوپتەگەن باستامالارىنا قولداۋ كورسەتىپ جۇرەتىنىن اتاپ ءوتتى.
سونداي-اق, اسقار ۋماروۆ توتەنشە جاعداي كەزىندە مەملەكەت قابىلداعان شارالارعا شىركەۋدىڭ قولداۋ بىلدىرگەنى ءۇشىن جانە تۇسىنىستىك تانىتقانى ءۇشىن ميتروپوليتكە ءوز اتىنان العىس ايتتى.
ءوز كەزەگىندە ميتروپوليت الەكساندر مەملەكەت جۇرگىزىپ وتىرعان ءدىن سالاسىنداعى ساياسات قازاقستاندىق قوعامدا بىرلىك پەن كەلىسىمدى قامتاماسىز ەتىپ وتىرعانىن اتاپ ءوتتى.
تاراپتار كونفەسسيالار مەن مەملەكەت اراسىنداعى ديالوگتى دامىتۋ ماسەلەلەرى بويىنشا ىنتىماقتاستىقتى ودان ءارى دامىتۋعا نيەت ءبىلدىردى.
