حايۋاناتتار باعىنىڭ مالىمەتىنشە, كەلۋشىلەر مەن مەكەمە قىزمەتكەرلەرىنىڭ ارەكەتىنە قاراماستان, ايەلدى توقتاتۋ مۇمكىن بولماعان. كاۆكازدىق قوڭىر ايۋ زۋزۋ قازىلعان ورعا اسىقپاي ءتۇسىپ, قىزدىڭ جانىنا كەلىپ, يىسكەگەن. كەيىن بۇرىلىپ, كەتىپ قالعان. «جابايىلار» ءبولىمىنىڭ قىزمەتكەرلەرى اڭنىڭ نازارىن وزدەرىنە اۋدارتىپ, ونى ىشكى بولمەگە كىرگىزىپ العان.
«توردان شىعارىلعان ءسابيدى بىردەن زووباق مەدبيكەسى قاراپ شىققان. قىز بالا تەك 5 مەترگە جۋىق بيىكتىكتەن قۇلاعاننان زارداپ شەككەن. باستاپقى تەكسەرۋ كەزىندە سوققى العاننان باسقا قانداي دا ءبىر جاراقاتتار انىقتالعان جوق», دەلىنگەن زووباق اقپاراتىندا.
قازىر بالا دارىگەرلەردىڭ باقىلۋىندا. ايۋدىڭ بالانى ازىق رەتىندە قابىلداعانىندا وقيعا نەمەن اياقتالاتىنىن ويلاۋ وتە قيىن.
ايەلگە قاتىستى قىلمىستىق ءىس قوزعالدى, دەپ حابارلادى ءور باس پروكۋراتۋراسىنان.
