قوعام • 28 قاڭتار، 2022

ەلىمىزدە الەۋمەتتىك تولەمدەردىڭ كولەمى ارتتى

1605 رەت كورسەتىلدى

2022 جىلعى 1 قاڭتاردان باستاپ مەملەكەتتىك الەۋمەتتىك ساقتاندىرۋ قورىنان تولەنەتىن ءۇش الەۋمەتتىك تولەمنىڭ مولشەرى ۇلعايدى. بۇل 347،7 مىڭ ادامعا پايداسىن تيگىزدى، دەپ حابارلايدى Egemen.kz.

«وسىلايشا، قر ۇكىمەتىنىڭ 2021 جىلعى 17 قاراشاداعى قاۋلىسىنا سايكەس ساتىپ الۋ قابىلەتىن ساقتاۋ ماقساتىندا 1 قاڭتاردان باستاپ ەڭبەك ەتۋ قابىلەتىنەن ايىرىلعان جاعدايدا (75 130 الۋشى) جانە اسىراۋشىسىنان ايىرىلعان جاعدايدا (52 096 الۋشى) ماسق-دان تولەنەتىن اي سايىنعى الەۋمەتتىك تولەمدەردىڭ مولشەرى 5%-عا ارتتى»، دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگى.

مينيسترلىكتە اتاپ وتكەندەي، بۇل تولەمدەر ۇزاق مەرزىمدى بولىپ تابىلادى، ويتكەنى ولار بىرنەشە جىل بويى تولەنۋى مۇمكىن: ەڭبەك ەتۋ قابىلەتىنەن ايىرىلعان جاعدايدا – ادام ەڭبەككە قابىلەتتىلىگىن قالپىنا كەلتىرمەيىنشە نە زەينەتكەرلىك جاسقا جەتكەنشە; اسىراۋشىسىنان ايىرىلعان جاعدايدا – بالالارعا كامەلەتتىك جاسقا تولعانعا دەيىن جانە كۇندىزگى وقۋ ءبولىمىنىڭ ستۋدەنتتەرىنە 23 جاسقا دەيىن جۇزەگە اسىرىلادى.

بۇدان باسقا، الۋشىلار جوعارىدا اتالعان تولەمدەردى بيۋدجەت قاراجاتى ەسەبىنەن مەملەكەتتىك الەۋمەتتىك جاردەماقىلاردى دا الا الادى.

سونداي-اق 1 قاڭتاردان باستاپ اەك مولشەرىنىڭ ۇلعايۋىنا بايلانىستى بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا ماسق-تان تولەنەتىن اي سايىنعى الەۋمەتتىك تولەم مولشەرى ارتتىرىلدى. بۇل 220 462 ازامات ءۇشىن جاعىمدى جاڭالىق بولدى. 

ەسكە سالا كەتسەك، جوعارىدا اتالعان الەۋمەتتىك تولەمنىڭ مولشەرى بالانىڭ تۋعان كۇنىنە دەيىنگى سوڭعى ەكى جىلداعى ورتاشا تابىستىڭ 40%-ىن قۇرايدى. بۇل رەتتە بۇل الەۋمەتتىك تولەمنىڭ ەڭ تومەنگى مولشەرى ۇستالۋعا جاتاتىن مىندەتتى زەينەتاقى جارنالارىن قوسىمشا ەسەپتەي وتىرىپ، «بالالى وتباسىلارعا بەرىلەتىن مەملەكەتتىك جاردەماقىلار تۋرالى» زاڭعا سايكەس تۋىلعان بالانىڭ كەزەكتىلىگىنە قاراي بەلگىلەنگەن اي سايىنعى مەملەكەتتىك جاردەماقى مولشەرىنەن كەم بولماۋعا ءتيىس.

ۆەدومستۆودا حابارلانعانداي، جوعارىدا اتالعان الەۋمەتتىك تولەمدەردىڭ مولشەرىن ارتتىرۋ ماسق اكتيۆتەرى ەسەبىنەن جۇزەگە اسىرىلدى. وسىلايشا، الەۋمەتتىك قامسىزداندىرۋدىڭ قوسىمشا نىسانىن الۋدا جۇمىس ىستەيتىن حالىقتىڭ مۇددەلەرى قورعالماقشى.

سوڭعى جاڭالىقتار

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

يكبال الەمى

تانىم • كەشە

ۇقساس جاڭالىقتار