ۇكىمەت • 28 قاڭتار، 2022

ءا. سمايىلوۆ ۇكىمەتتىڭ 2022 جىلعا ارنالعان ءىس-قيمىل باعدارلاماسى جونىندە كەڭەس وتكىزدى

35 رەت كورسەتىلدى

ءاليحان سمايىلوۆ سىرتقى ىستەر، ىشكى ىستەر، يندۋستريا جانە ينفراقۇرىلىمدىق دامۋ مينيسترلىكتەرىنىڭ باسشىلىعىمەن ۇكىمەتتىڭ 2022 جىلعا ارنالعان ءىس-قيمىل باعدارلاماسىن ازىرلەۋ ماسەلەلەرى جونىندە كەڭەستەر وتكىزدى، دەپ جازادى Egemen.kz.

جيىندا بىرقاتار مينيسترلىكتەر ۇكىمەتتىڭ 2022 جىلعا ارنالعان ءىس-قيمىل باعدارلاماسىن ازىرلەۋ ماسەلەلەرى جونىندە ۇسىنىستارىن ورتاعا سالدى.

سىرتقى ىستەر مينيسترلىگى ۇسىنعان شارالار ينۆەستيتسيالار اعىنىن ىنتالاندىرۋعا جانە ينۆەستيتسيالىق احۋالدى جاقسارتۋعا، شەت ەلدەرمەن ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدەر جاساسۋعا، شەتەلدىك ينۆەستيتسيالاردى تارتۋ پروتسەسىندە اكىمشىلىك-قۇقىقتىق كەدەرگىلەردى جويۋعا باعىتتالعان. سىرتقى ساياسات ۆەدومستۆوسى قر پرەزيدەنتىنىڭ جاڭا رەفورمالارىن شەت ەلدەردە اقپاراتتىق سۇيەمەلدەيدى.

ىشكى ىستەر مينيسترلىگى ۇسىنعان شارالار قۇقىق قورعاۋ ورگاندارى قىزمەتكەرلەرىنىڭ قۇقىقتىق قورعالۋىن ارتتىرۋدى، ىشكى ىستەر ورگاندارىنىڭ ينفراقۇرىلىمى مەن ماتەريالدىق-تەحنيكالىق بازاسىن قالپىنا كەلتىرۋدى، جەرگىلىكتى پوليتسيا قىزمەتىن جاراقتاندىرۋدى، ەلدەگى قوعامدىق قاۋىپسىزدىكتى قامتاماسىز ەتۋ جونىندەگى مىندەتتەردى ءتيىمدى ورىنداۋ ءۇشىن مودۋلدىك ستاتسيونارلىق بەكەتتەر مەن ۋچاسكەلىك پوليتسيا پۋنكتتەرىن سالۋدى كوزدەيدى.

يندۋستريا جانە ينفراقۇرىلىمدىق دامۋ مينيسترلىگى يندۋستريالاندىرۋ، ونىڭ ىشىندە يمپورتتى الماستىرۋ، تكش جۇيەسىن تسيفرلاندىرۋ، تۇرعىن ءۇي قۇرىلىسىنا ۇلەستىك قاتىسۋ تەتىكتەرىنىڭ اشىقتىعىن قامتاماسىز ەتۋ، جول سالاسىن ساننان ساپاعا قايتا باعدارلاي وتىرىپ رەفورمالاۋ، ءىرى كاسىپورىنداردىڭ توڭىرەگىندە وڭدەۋ ونەركاسىبىندە شوب دامىتۋ جانە ت. ب. شارالاردى ۇسىندى.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار