يندۋستريا جانە ينفراقۇرىلىمدىق دامۋ مينيسترلىگى ەلدىڭ قۇرىلىس سالاسىن تسيفرلاندىرۋ جانە «تسيفرلاندىرۋ, عىلىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسى اياسىندا ينفراقۇرىلىمدىق نىساندار ەسەبىن جانە ەلدى مەكەندەر قۇرىلىسى مونيتورينگىن جاقسارتاتىن مەملەكەتتىك قالا قۇرىلىسى كاداسترىنىڭ تسيفرلى دەرەكقورىن ازىرلەۋدە.
قازىر جەراستى جانە جەرۇستى ينجەنەرلىك كوممۋنيكاتسيالارىن تۇگەندەۋ ارقىلى قالالاردىڭ تسيفرلى كاداسترلىق جوسپارلارى جاسالىپ جاتىر. بۇگىنگى تاڭدا جۇمىس 63 پايىزعا اياقتالدى. قالا قۇرىلىسى كاداسترىنىڭ دەرەكقورىنا قازىر 805 تسيفرلاندىرىلعان باس جوسپار مەن ەگجەي-تەگجەيلى جوسپارلار ەنگىزىلدى.
بىلتىر وڭىرلەردە 25 مىڭ گەكتار قۇرىلىس سالىنعان اۋماق تسيفرلاندىرىلسا, بيىل اقتوبە, ارىس, قاراعاندى, ليساكوۆ جانە وسكەمەن قالالارىندا ينجەنەرلىك جەلىلەردى تۇگەندەۋ جوسپارلانعان. ءىرى ەلدى مەكەندەردى (اۋدان ورتالىقتارى دەڭگەيىنە دەيىن) تسيفرلاندىرۋ شارالارىن 2024 جىلعا قاراي اياقتاۋ كوزدەلىپ وتىر.
قالا قۇرىلىسى كاداسترى جۇيەسىن بىرىڭعاي مەملەكەتتىك جىلجىمايتىن م ۇلىك كاداسترىمەن جانە اكىمدىكتەردىڭ گەوپورتالىمەن بىرىكتىرۋ جۇمىستارى قاتار جۇرگىزىلىپ جاتقانىن ايتا كەتۋ كەرەك.
