كوللاجدى جاساعان قونىسباي شەجىمباي, «EQ»
ماشينيست-نۇسقاۋشىلار مەن جىلۋ تەحنيكتەرى جاڭاشىلدىقتى جوعارى باعالادى. بۇل وندىرىستىك قاۋىپسىزدىكتى جاقسارتىپ, ءارتۇرلى قىزمەتتىك اقپاراتتى الۋعا كومەكتەسەدى جانە نورماتيۆتىك-تەحنيكالىق قۇجاتتامانى وزگەرتۋ بويىنشا ءوز باستامالارىن ۇسىنادى.
«قوسىمشا بويىنشا جۇمىس وتكەن جىلى جۇرگىزىلدى. جۇمىس پروتسەستەرىنىڭ بارلىق وزگەشەلىگى ەسكەرىلگەن. موبيلدىك قوسىمشانى ەنگىزۋ «ەنەرگوديسپەتچەرلىك تارتىم» اۆتوماتتاندىرىلعان باسقارۋ جۇيەسىنىڭ فۋنكتسيونالىن كەڭەيتۋ جوباسى اياسىندا تسيفرلى لوكوموتيۆ دەپوسىنا جاسالعان العاشقى قادام بولدى», دەدى «قتج-جۇك تاسىمالى» جشس باس ديرەكتورىنىڭ ورىنباسارى قانات كوبەسوۆ.
ءموبيلدى قوسىمشا بىرنەشە بولىمنەن تۇرادى. قوسىمشا ارقىلى ساپارعا تاعايىندالعان كەلۋ كۇنى مەن ۋاقىتى تۋرالى حابارلامالار كەلىپ تۇسەدى. قوسىمشا قىزمەتتەرىنىڭ بىرىندە ءماشينيستىڭ رەيتينگى اۆتوماتتى تۇردە جۇرگىزىلەدى. باعالاۋدىڭ نەگىزگى كريتەريلەرى: قاۋىپسىزدىك پەن ەسكەرتۋ تالوندارى بۇزىلۋىنىڭ بولماۋى, لوكوموتيۆتى باسقارۋ كەزىندە وتىن نەمەسە ەلەكتر شىعىنى تۋرالى مالىمەتتەر جانە تاعى باسقالار. جۇيە مەديتسينالىق تەكسەرۋدەن وتكەنى تۋرالى اقپاراتتى قامتيدى, ماشينيسكە پسيحولوگيالىق تەكسەرۋدەن نەمەسە مەديتسينالىق تەكسەرۋدەن ءوتۋ قاجەتتىلىگى تۋرالى ەسكەرتەدى.
قوسىمشادا ءماشينيستىڭ جۇمىسىنا قاجەتتى بۇيرىقتارمەن, نورماتيۆتىك قۇجاتتارمەن تانىسۋعا بولادى. رەيس الدىنداعى نۇسقاۋلىقتار بولىمىندە وقۋ ءۇشىن ماتەريالدار ۇسىنىلسا, بۇل دايىندىق ۋاقىتىن قىسقارتادى. مۇندا ونلاين-تەستەن وتۋگە بولادى, سودان كەيىن نۇسقاۋلىقتان وتكەنى نەمەسە وتپەگەنى جونىندە مارتەبە بەرىلەدى.
قوسىمشا ارقىلى ماشينيستەر تارتىم قۇرامىنىڭ جاعدايىنا مونيتورينگ جۇرگىزەدى, ونى بەس بالدىق جۇيە بويىنشا باعالايدى. لوكوموتيۆتىڭ ەلەكتروندى بورتتىق جۋرنالىنا فوتو جانە بەينەفايلدارمەن بىرگە سىن-ەسكەرتپەلەر ەنگىزىلەدى. سودان كەيىن دەرەكتەر لوكوموتيۆتىڭ ەلەكتروندى پاسپورتىنا جىبەرىلەدى, وندا ساپارلار مەن جوندەۋ تاريحى, تەر شىعىنى تۋرالى دەرەكتەر جازىلادى. قوسىمشادا لوكوموتيۆ رەيتينگى, سەنىمدىلىك, توزۋ ەسەبى جۇرگىزىلەدى, اقپاراتتىق بلوك قاراستىرىلعان: ارنايى تاسپادا كومپانيا بويىنشا سوڭعى جاڭالىقتار ورنالاستىرىلادى. كەرى بايلانىس جاسالعان, بۇل ءۇشىن جۇمىستى جاقسارتۋ, نورماتيۆتىك-تەحنيكالىق قۇجاتتامانىڭ پايدالىلىعىن باعالاۋ بويىنشا تالقىلاۋ جانە ءوز باستامالارىن ۇسىنۋ فورۋمى اشىلعان.
