بۇگىندە 50-گە جۋىق اۋىلشارۋاشىلىق تەحنيكالارى بار قۇرىلىم تاياۋدا 162 ملن تەڭگەگە John Deere تراكتورىن, 88 ملن تەڭگەگە كەشەندى تۇقىمسەپكىش الدى. «يۋبيلەينىي» جشس اتقارۋشى ديرەكتورى بەيبىت ايتپاەۆتىڭ ايتۋىنشا, 50 ملن تەڭگەگە – شۆەتسيالىق «توپ تاۋن-600» ماركالى اۋىلشارۋاشىلىق قۇرىلعىسى, 40 ملن-عا – انگليالىق JCB جۇك تيەگىشى, 22 ملن-عا – ۋكراينالىق سز-6 تۇقىمسەپكىشتەرى, 5 ملن-عا – «روستسەلماش» سوقاسى, 10 ملن تەڭگەگە – اكrوs كومباينى, 11 ملن-عا يتاليالىق مaterMass تۇقىمسەپكىشى الىندى. ءبارى – زاماناۋي تەحنيكا. ءبىر جاقسىسى, كابينا ىشىندەگى مونيتور ارقىلى ءداننىڭ قالاي سەبىلىپ جاتقانىن دا باقىلاپ وتىرۋعا بولادى. وسى رەتتە نيكولاي دزيادۋك, ەرلان وتەگەنوۆ, سەرگەي اكتەلوۆ, ەرجان شالوۆ, سەرگەي گرەچيحين, ەۆگەني كراينيۋك جانە ت.ب. ەڭبەكقور ازاماتتار وزدەرىنە جۇكتەلگەن ىسكە زور جاۋاپكەرشىلىكپەن قارايتىنىن ايتا كەتكەن ءلازىم. سەرىكتەستىك بيدايدىڭ «بارىس», «داريا», «التاي» تۇقىمدارىن, سyngenta جشس-ءنىڭ الەمگە تانىمال «كوندي», «الكانتارا», «پيونەر», «تريستان» سەكىلدى كۇنباعىس تۇقىمدارىن ەگەدى. البەتتە, ءونىمنىڭ مول بولۋى اگروتەحنيكالىق شارالاردىڭ قاتاڭ ساقتالۋى مەن ءداندى, مايلى داقىلداردى تىكەلەي تىڭايتقىشپەن سۋارىلۋىنا دا بايلانىستى. مۇنداعى ديقان قاۋىمى بۇل شارالارعا دا نازار اۋدارىپ, «امموفوس», «سۋلفوامموس» سەكىلدى تىڭايتقىشتاردى وڭتۇستىكتەگى وبلىستاردان الادى.
جالپى, كولدەنەڭ اۋىلدىق وكرۋگى تارباعاتايدىڭ كۇنگەي بەتىندەگى قويناۋىندا ورنالاسقان. سوندىقتان, توپىراعىنىڭ بونيتەتى جوعارى, وتە قۇنارلى. ماسەلەن, بىلتىر بيدايدىڭ ءار گەكتارىنان 18-20 تسەنتنەردەن السا, بيىلعى قۋاڭشىلىقتا استىق 12 تسەنتنەردەن اينالدى. وسى ورايدا «يۋبيلەينىي» جشس باسشىسى مامىربەك قاراشەۆ جايلى ايتقان ابزال. مامىربەك باقتىعازى ۇلى – شىعىس قازاقستان وبلىستىق ءماسليحاتىنىڭ دەپۋتاتى, وسى كولدەنەڭ اۋىلىندا دۇنيەگە كەلگەن. كولدەنەڭ ورتا مەكتەبىنەن ءبىلىم الىپ, ەڭبەك جولىن تۋعان جەرىنەن باستاعان. ەڭبەك جولىن 1989 جىلى «يۋبيلەينىي» كولحوزىندا جۇمىسشى بولىپ باستاپ, كەيىن اۆتوكولىك جۇرگىزۋشىسى, مەحانيزاتور بولىپ جالعاستىرادى. 1996 جىلى كولحوز تاراتىلىپ, سونىڭ نەگىزىندە «يۋبيلەينىي» جشس قۇرىلدى دا ۇجىمدىق شارۋاشىلىقتىڭ شەشىمىمەن اتالعان سەرىكتەستىكتىڭ ماي ءوندىرۋ تسەحى مەن ورتالىق قىرمان مەڭگەرۋشىسى بولدى. 2012 جىلى قۇرىلتايشىلار جينالىسىمەن سەرىكتەستىك ديرەكتورى بولىپ سايلاندى.
قاراشەۆتار اۋلەتى اۋىلداستارىنا كوپتەگەن قايىرىمدىلىق ءىس جاساپ, قۇرمەتكە بولەنىپ كەلەدى. اۋىلعا 120 ادامدىق مەشىت عيماراتى, 280 ورىندى قاتىمحانا, ءزاۋلىم سپورت كەشەنى, 150 ادامدىق «دۋمان» مەيرامحاناسى مەن ديىرمەن مەن ناۋبايحانا سالىپ بەردى.
– مامىربەك باقتىعازى ۇلى بىرنەشە جىل بۇرىن اۋىل ورتالىعىنداعى توزىعى جەتكەن مادەنيەت ءۇيىن ساتىپ الىپ, 24 ملن تەڭگەگە قايتا جوندەتتى. مادەنيەت ءۇيى بۇرىنعىدان دا اسەم قالپىنا كەلدى. اتالعان مادەني وشاق اۋداندىق مادەنيەت ءبولىمىنىڭ قاراماعىنا ءوتىپ, وندا بىرنەشە ونەرپاز حالىققا قىزمەت ەتەدى, – دەيدى كولدەنەڭ اۋىلدىق وكرۋگىنىڭ اكىمى سايلاۋ ەستەمەسوۆ.
اۋىل ازاماتتارىنا جۇمىس بەرىپ وتىرعان «يۋبيلەينىي» جشس-ءى ايتۋلى مەرەكەلەرگە دە قاراجات بولەدى. ماسەلەن, تاياۋدا اۋىل شارۋاشىلىعى كۇنىنە 5,5 ملن تەڭگە ءبولىپ, ەڭبەككەرلەرگە تۇرمىستىق تەحنيكالار تارتۋ ەتتى. سونداي-اق اۋىل جاستارىنا كومەگىن كورسەتىپ, سپورتقا تۇراقتى كوڭىل بولەدى. بوكس, ۆولەيبول, جەڭىل اتلەتيكا, كۇرەستەن جەكە قاراجاتىنا تۋرنير وتكىزەدى.
– سەرىكتەستىك باسشىسى اۋىلعا كوشىپ كەلگەن جاس وتباسىلارعا تۇرعىن ءۇي الىپ بەرەدى. ەرجان شالوۆ, ولەگ رۋدەنكو, فارحات قۇدىشەۆ, ەرزات وتەگەنوۆتەر مامىربەكتىڭ ارقاسىندا بىلتىر باسپانالى بولدى. اۋىل يمامىنا ءۇي, موتوتسيكل الىپ بەردى, – دەيدى اۋىل اكىمى, – ايتا بەرسەك, مۇنداي يگى ىستەرى كوپ. مۇگەدەك بالاعا اربا, سپورت مەكتەبىنە «ۋاز» اۆتوكولىگىن سىيلادى. جىل سايىن اۋىلداعى ەڭبەك ارداگەرلەرىنە الەۋمەتتىك ازىق-ت ۇلىك تۇرلەرىن, قىس مەزگىلىندە مۇقتاج جاندارعا 500 توننا كومىر ءتۇسىرىپ بەرەتىنى ناعىز جاناشىرلىق.
بىلتىرعى قۋاڭشىلىق اۋىل حالقىنا وڭاي تيگەن جوق. مالى بار اعايىن ساي-سالانى جاعالاپ ءشوپ شاۋىپ ەسى شىقتى. سەرىكتەستىك تە قاراپ جاتپادى. كورشىلەس ناۋالى, كوكوزەك, قاراتۇما اۋىلدارىنا ارزان باعامەن مال ازىعىن ساتتى. ماسەلەن, سالماعى 250-300 كيلو بولاتىن تايلانعان ءشوپتى قولىندا تەحنيكاسى مەن شابىندىعى بار كەيبىر اعايىن 8-10 مىڭ تەڭگەدەن ساتسا, مامىربەك قاراشەۆتىڭ سەرىكتەستىگى 6 مىڭ تەڭگەدەن بەرىپ, جۇرت العىسىنا بولەندى.
بەرىكحان تايجىگىت,
جۋرناليست
شىعىس قازاقستان وبلىسى,
ءۇرجار اۋدانى
