سپورت • 27 قاڭتار، 2022

ءبىر مينۋتتاعى تابىسى – 8 ملن

61 رەت كورسەتىلدى

ايگىلى Olbg باسىلىمى 2021 جىلى ءبىر مينۋتتا ەڭ كوپ تابىس تاپقان سپورت­شىلاردىڭ ءتىزىمىن جاريالادى.

باسىلىم ۇسىنعان تىزىمدە ەڭ ۇزدىك كورسەتكىش ايگىلى يرلانديالىق ارالاس جەكپە-جەك شەبەرى كونور ماكگرەگورعا تيەسىلى ەكەنى ايتىلادى. ول بىلتىر UFC تۋرنيرىندە ەكى مارتە امەريكالىق داستين پورەمەن سەگىزبۇرىشتا كەزدەسىپ، ەكەۋىندە دە جەڭىلىپ قالعان بولاتىن. الايدا ول وسى ەكى ايقاستا نەبارى ءۇش مينۋت قانا ونەر كورسەتىپ، 22 ميلليون اقش دوللارىنا كەنەلگەن. بۇل اقشانى ءبىر مينۋتقا شاقساق، ول 60 سەكۋندتا 8 ملن 695 مىڭ 652 دوللار تاپقان بولىپ شىعادى. سونداي-اق يرلانديالىق جۇلدىزدىڭ ەسەپ-شوتىنا ءار جەتى سەكۋند سايىن 1 ميلليون اقش دوللارى ءتۇسىپ وتىرعان. كونوردان كەيىنگى ورىنعا مەكسيكالىق بوكسشى ساۋل الۆارەس جايعاسقان. «كانەلو» بىلتىر ءبىر مينۋتتا 444 مىڭ 444 دوللار تاۋىپتى. ول شارشى الاڭدا 72 مينۋت ونەر كورسەتكەن. ۇزدىك ۇشتىكتى امەريكالىق فۋتبول ويىنشىسى داك پرەسكوتت تۇيىندەپ تۇر. ونىڭ ءبىر مينۋتتاعى تابىسى – 325 مىڭ دوللار.

رەيتينگتەگى العاشقى 20 ورىننىڭ 17-ءسى امەريكالىق فۋتبول وكىلدەرىنە تيەسىلى. ال فۋتبولشى نەيمار اتالعان تىزىمدە 17-ورىندا تۇر. ول ءبىر مينۋتتا 32 مىڭ 716 دوللارعا بايىعان. مەسسي – 23، رونالدۋ 25-ورىنعا تۇراقتاعان.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار