COVID-19-عا قارسى ۆاكتسينا ەكتىرگەندەر تۋرالى QR-كودتاردىڭ دەرەكتەر بازاسى «داركنەتتەگى» فورۋمدا ساتىلىمعا شىعارىلعان.
ساتۋشى بازا «مەملەكەتتىك قىزمەتتەگى» قوسىمشادان الىنعان دەپ مالىمدەيدى. ونىڭ ايتۋىنشا, بازادا بارلىعى 48 ميلليون ادام بار. وتكەن جىلدىڭ سوڭىنا دەيىن شامامەن وسىنشا ادام ۆاكتسينا سالدىرعان ەدى. ساتۋشى بازانى قىمباتقا باعالاپ وتىر. ول 100 مىڭ اقش دوللارىنا ساتاتىنىن ايتتى.
ساتۋشى الدىمەن ۇلگى جىبەرەدى, وندا تەك 10 مىڭ ادام بار. بازادا كەلەسى دەرەكتەر قامتىلعان: اتى-ءجونىنىڭ ورىس جانە اعىلشىن تىلدەرىندەگى العاشقى ارىپتەرى, تۋعان كۇنى, پاتسيەنتتىڭ جازبا ءنومىرى, پاسپورت ءنومىرىنىڭ العاشقى ەكى جانە سوڭعى ءۇش سانى, ۆاكتسينانىڭ اتاۋى جانە PNG فورماتىنداعى QR كودى.
تەكسەرىس ناتيجەسىندە, QR كودتارىنىڭ جارامدىلىعىن راستالدى. ياعني ۇلگىدەگى دەرەكتەر رەسمي كودتاردى تەكسەرۋ پاراعىندا كورسەتىلگەنگە سايكەس كەلەدى.
سەيسەنبى كۇنى, ياعني 25 قاڭتاردا رەسەي تسيفرلىق دامۋ مينيسترلىگى اقپاراتتىڭ سىرتقا شىعىپ كەتۋىنە بايلانىستى تەكسەرۋ جۇرگىزىلەتىنىن مالىمدەدى, بۇل رەتتە جەكە دەرەكتەرگە تونگەن قاۋىپ جوق دەپ سەندىردى.
