ەكونوميكا • 26 قاڭتار، 2022

«قازاقستان حالقىنا» قورىنا قانشا قارجى جينالدى؟

2746 رەت كورسەتىلدى

«قازاقستان حالقىنا» قوعامدىق قورىنا 2022 جىلعى 16-25 قاڭتار ارالىعىندا 65 703 قازاقستاندىقتان 39،1 ملن تەڭگە ءتۇستى. 130 زاڭدى تۇلعا مەن ءىرى بيزنەسمەندەردەن 42.1 ملرد تەڭگە ءتۇستى، دەپ حابارلايدى Egemen.kz قوردىڭ ءباسپاسوز قىزمەتىنە سىلتەمە جاساپ.

سونداي-اق، قوردىڭ ءباسپاسوز قىزمەتى 20-25 قاڭتار ارالىعىندا «قازاقستان حالقىنا» قورى ارقىلى قايىرىمدىلىققا ەلەۋلى ۇلەس قوسقانداردىڭ ءتىزىمىن جاريالادى.

«KAZ MINERALS AKTOGAY (قاز مينەرالز اقتوعاي)» جشس - 6.2 ملرد تەڭگە;

«KAZ MINERALS BOZSHAKOL (قاز مينەرالز بوزشاكول)» جشس - 6.2 ملرد تەڭگە;

«KAZAKHMYS SMELTING (كازاحمىس سمەلتينگ)» جشس - 5 ملرد تەڭگە;

«ۆوستوكتسۆەتمەت» جشس – 3.1 ملرد تەڭگە;

ء«سابي» جەكە قايىرىمدىلىق قورى» - 1 ملرد تەڭگە;

«استانا-موتورس» موتور كومپانياسى» جشس - 550 ملن تەڭگە;

«BI-DEVELOPMENT» جشس – 300 ملن تەڭگە;

«سارىارقااۆتوپروم» جشس– 250 ملن تەڭگە; 

يزباستين مۋحامەد تەميرتاەۆيچ – 100 ملن تەڭگە; 

«NAK Development» جشس - 100 ملن تەنگە;

ماحات راشيت مۇقارام ۇلى – 50 ملن تەنگە.

قور باسشىلىعى الىنعان بارلىق قارجى قاراجاتىنىڭ تولىق اشىقتىعى مەن ەسەپتىلىگى قامتاماسىز ەتىلەتىنىن مالىمدەيدى. اقشا قازاقستان حالقىنىڭ يگىلىگىنە، دەنساۋلىق ساقتاۋ، الەۋمەتتىك سالا، ءبىلىم، مادەنيەت جانە سپورت پروبلەمالارىن شەشۋگە باعىتتالادى.

قور ورفاندىق جانە باسقا دا اۋرۋلارى بار، حالىقتىڭ الەۋمەتتىك وسال توپتارىنا مۇقتاج بالالارعا، قازا تاپقان اسكەري قىزمەتكەرلەردىڭ، قۇقىق قورعاۋ جانە ارنايى ورگاندار قىزمەتكەرلەرىنىڭ وتباسىلارىنا، سونداي-اق باسقا دا قايىرىمدىلىق ماقساتتارعا قولداۋ كورسەتەدى.

سوڭعى جاڭالىقتار

ۇقساس جاڭالىقتار