بۇل جاڭالىقتى نيدەرلاندى فۋتبول وداعىنىڭ وكىلدەرى ءباسپاسوز ءماسليحاتىندا راستادى. وسىلايشا, 26 قاڭتاردان باستاپ جانكۇيەرلەر ەۋرو-2022 توپتىق كەزەڭىنىڭ شەشۋشى ماتچتارى مەن پلەي-وفف ويىندارىن ستاديوننان باقىلاي الادى.
«بۇل فانتاستيكالىق جاڭالىق, ءبىز وسى ۋاقىت ىشىندە ۇكىمەتتىڭ شارالاردى جەڭىلدەتىپ, ءتۇرلى ستسەناريلەردى قاراستىراتىنىنا ءۇمىتىمىزدى ساقتادىق. بۇل ەۋروپا چەمپيوناتىن ءوز كوزىمەن كورۋگە مۇمكىندىگى بار جانكۇيەرلەر ءۇشىن, سونداي-اق بارلىق كوماندالار, قىزمەتكەرلەر جانە وسى ءىس-شارادا كوپ جۇمىس ىستەگەندەر ءۇشىن كەرەمەت جاڭالىق», دەدى ەۋرو-2022 ديرەكتورى گەيس دە يونگ.
وسىلايشا, قازاقستاندىق فۋتزال جانكۇيەرلەرى 28 قاڭتاردا يتالياندىقتارمەن وتكەن ويىندا ءوز قۇراماسىن تريبۋنادا وتىرىپ قولداي الادى.
ايتا كەتسەك, ەۋرو-2022 ماتچتارىنا بيلەتتەر ساتىلىمى بۇگىن باستالدى.
