فۋتبول فەدەراتسياسىنىڭ تاراتقان مالىمەتى بويىنشا تالعات بايسۋفينوۆ باپتايتىن قازاقستان ۇلتتىق قۇراماسى 12 اقپان كۇنى تۇركيانىڭ انتاليا قالاسىندا جينالادى. ال 13 اقپان كۇنى قازاقستان كلۋبتارىنىڭ لەگيونەرلەرىنەن جاساقتالعان كوماندامەن جولداستىق كەزدەسۋ وتكىزەدى. لەگيونەرلەر قۇراماسىن اندرەي كارپوۆيچ پەن سامات سماقوۆ جاتتىقتىرادى دەپ شەشىلدى.
«بۇل مەرزىمدە فيفا-نىڭ رەسمي داتاسى بولماعاندىقتان, ۇلتتىق قۇرامانى ۇزاق ۋاقىت جاتتىعۋسىز جانە ويىنسىز ۇستاپ وتىرۋعا بولمايدى. قازاقستان قۇراماسىنىڭ جانكۇيەرلەرى بۇل ماتچتى تىكەلەي ەفيردەن كورە الادى. ماتچتىڭ كورسەتىلىمى قاي پلاتفورمادان تاراتىلاتىنىن جانە ۋاقىتىن كەيىنىرەك حابارلايمىز», دەلىنگەن فەدەراتسيانىڭ رەسمي مالىمدەمەسىندە.
