قوعام • 26 قاڭتار، 2022

ازاماتتاردى قولداۋ مەن ءال-اۋقاتىن جاقسارتۋ – نەگىزگى مىندەت

124 رەت كورسەتىلدى

قازاقستان قوعامنىڭ بارلىق سالاسىن ودان ءارى جاڭعىرتۋعا جانە جۇيەلى تۇردە قايتا قۇرۋعا باعىتتالعان ۇلكەن وزگەرىس الدىندا تۇر. ەل پرەزيدەنتى قاسىم-جومارت توقاەۆ اتاپ وتكەندەي، بۇل وزگەرىستەردىڭ وزەگى ازاماتتاردى قولداۋ مەن ولاردىڭ ءال-اۋقاتىن، الەۋمەتتىك احۋالىن جاقسارتۋ بولادى.

ارينە، بۇل مىندەتتەردى جۇزەگە اسىرۋدا جاستاردىڭ ءتيىمدى باعدارلامالارى مەن الەۋمەتتىك جوبالاردى ورىنداۋ ماڭىزدى. ۇزاق جىل بويى نۇرسۇلتان نازارباەۆتىڭ كوممەرتسيالىق ەمەس قورى جاستارعا ءتۇرلى سالادا ءوزىن كورسەتۋگە كومەكتەسەتىن، ساۋىعىپ كەتۋىنە جانە ومىرىنەن ءوز ورنىن تابۋعا ءۇمىت بەرەتىن جوبالاردى ازىرلەۋ جانە ىسكە اسىرۋدا ەڭبەك ەتىپ كەلەدى.

قور مەملەكەتتىك ۇيىمدارمەن جانە ۇەۇ-مەن بىرلەسىپ سان مىڭداعان جاسقا قولداۋ ءبىلدىرىپ، كومەك كورسەتتى. بۇگىندە ولاردىڭ دەنى عىلىمدا، ونەردە مول تابىسقا جەتىپ، كەڭىنەن تانىلعان.

ەرەكشە بالالاردى قولداۋ

قور جۇمىسىنىڭ اۋقىمدى باعىتى­نىڭ ءبىرى – قازاقستانداعى ەرەكشە قا­جەت­تىلىگى بار بالالاردى قولداۋعا ار­نال­عان قازاقستان رەسپۋبليكاسىنىڭ تۇڭ­عىش پرەزيدەنتى – ەلباسى نۇرسۇلتان نازارباەۆتىڭ «قامقورلىق» باستاماسى بولىپ تابىلادى.

ەلىمىزدە 92 مىڭنان استام بالا تسەرەبرالدى سال اۋرۋىمەن اۋىرادى. سون­دىقتان وڭالتۋ قىزمەتىنە قاجەتتىلىك وتە جوعارى. ەلدەگى ءتيىستى مەديتسينالىق ۇيىم­داردىڭ ازدىعىنان مىڭداعان بالا دەر كەزىندە وڭالتۋدان وتە المايدى.

«قامقورلىق» باستاماسىنىڭ ەكى كە­زەڭىن ىسكە اسىرۋ ناتيجەسىندە، قازىر وڭىر­لەردە 16 وڭالتۋ ورتالىعى جانە 7 ەر­­تە ارا­­لاسۋ ورتالىعى جۇمىس ىستەيدى. يگى باس­تاما قازاقستان رەسپۋبليكاسى ۇكى­مەتىنىڭ جانە «سامۇرىق-قازىنا» ۇلتتىق ءال-اۋقات قورىنىڭ قولداۋىمەن جۇزەگە اسقان. 2020 جىلعى جەلتوقساننان 2021 جىلعى قارا­شاعا دەيىن 5 192 بالا وڭالتۋدان ءوتتى، ولار­دىڭ 534-ءى ەم-دومنان كەيىن جۇرە باستادى.

بۇعان قوسا، ايماقتاردا ەرەكشە قا­جەتتىلىگى بار بالالاردى قولداۋ بويىنشا 16 كابينەت اشىلدى. 2020-2021 جىلدار ارالىعىندا 131 بالا جالپى ءبىلىم بەرۋ ۇدە­­رىسىنە تارتىلدى. ال 16 بالا ەندى بىرەۋ­دىڭ الىپ جۇرۋىنە مۇقتاج ەمەس.

جۇزدەگەن بالانىڭ ورتالىقتاردا ساباق الىپ، وزدىگىنەن ەڭبەكتەپ، جۇرە باس­تاپ، جاڭا داعدىلار مەن ءبىلىم العانىنا قۋانىشتىمىز. بۇل ورتالىق جۇمىسىنىڭ باستى ناتيجەسى جانە اتا-انالار مەن بىلىكتى مامانداردىڭ ۇلكەن جەڭىسى!

قازاقستاندا ينكليۋزيانى دامىتۋ بو­يىنشا ۇلكەن جۇمىستار جالعاسىن تاۋىپ وتىر. باستامانىڭ ءۇشىنشى كەزەڭى اياسىندا 2022-2023 جىلدارى رەسپۋبليكا بويىنشا 17 ەرتە ارالاسۋ ورتالىعى، اۋتيزممەن جانە باسقا دا مەنتالدى اۋىتقۋى بار بالالارعا ارنالعان 8 ورتالىق پەن 17 «بەلسەندى ۇزاق ءومىر» بەلسەندى ءومىر ءسۇرۋ ورتالىعى اشىلادى.

ەلباسىنىڭ تاپسىرماسى بويىنشا قور نۇر-سۇلتان قالاسىندا ەرەكشە قاجەتتىلىگى بار بالالارعا ارنالعان قوسىمشا جاڭا زاماناۋي وڭالتۋ ورتا­لىعىن سالۋعا كىرىسەدى.

بولاشاققا ۇلەس

ەl Úmiti قورىنىڭ تاعىدا ءبىر اۋ­قىم­دى باستاماسى جاستارعا ارنالعان بىر­قاتار جوبانى جۇزەگە اسىرادى. 530 مىڭ­نان استام ادام جوبانىڭ يگىلىگىن كورگەن.

مۇنداي جوبانىڭ ءبىرى – «مىڭ بالا» ۇلتتىق وليمپياداسى جىل سايىن اۋىلدىق جەرلەردە 5 جانە 6 سىنىپ وقيتىن ەڭ قابى­لەتتى 1 000 وقۋشىنىڭ وزىق مەكتەپتەردە ءبىلىم الۋىنا مۇمكىن­دىك بەرەدى. ەكى جىل ىشىندە جوبا 4 000-نان استام وقۋشىنىڭ جولىن اشتى. 638 اۋىل وقۋشىسى قازاق­ستاننىڭ ۇزدىك مەكتەپتەرىنە وقۋعا ءتۇس­تى. Birge Oqy جەكە ونلاين مەكتەبى ار­قى­­لى اۋىل بالالارىمەن جۇيەلى جۇمىس جۇر­گىزىلۋدە: بۇگىندە «مىڭ بالا» وليم­پياداسىنىڭ 2،6 مىڭ ءفيناليسى Birge Oqý ونلاين مەكتەبىنە قابىلداندى.

El Úmiti باستاماسىنىڭ ەكىنشى ەڭ ءىرى جوباسى – «ەلباسى مەدالى» جاستاردى جان-جاقتى دامىتۋعا باعىتتالعان ۇلت­تىق دەڭگەيدەگى جالعىز باعدارلاما. بۇل 14-29 جاس ارالىعىنداعى جاستارعا ارنالعان. ءۇش جىل ىشىندە وعان قاتىسۋعا 55 000 ءوتىنىم كەلىپ ءتۇستى. بۇل مەرزىمدە قاتىسۋشىلار دەنە ءبىتىمى مەن اقىل-ويدى دامىتاتىن باعىتتار بويىنشا 800 مىڭنان استام تاپسىرمانى ورىندادى. سونىڭ ناتيجەسىندە 3 928 قولا جانە كۇمىس مەدال يەگەرلەرى انىقتالدى. وتكەن جىلدىڭ قورىتىندىسى بويىنشا 605 مەدال يەگەرى قر جوعارى وقۋ ورىندارىنا وقۋ ءۇشىن ءبىلىم گرانتتارىن ۇتىپ الدى.

El Úmiti باستاماسىنىڭ اجىراماس بولىگى دەپ «El Maqtanyshy» سىيلى­عىن ايتۋعا بولادى. 2019 جىلدان باس­تاپ سىيلىق وقۋشىلار مەن ولاردىڭ جاتتىقتىرۋشىلارىنا پاندىك وليمپيا­دالارداعى ءىرى جەتىستىكتەرى ءۇشىن بەرىلەدى. التىن جۇلدە يەگەرلەرى 2 ملن تەڭگەدەن، كۇمىس جۇلدەگەرلەر 1 ملن تەڭگەدەن، قولا جۇلدەگەرلەر 500 مىڭ تەڭگەدەن الا­دى. 2019-2021 جىلدار ارالىعىندا بۇل سىيلىقتى 57 جۇلدەگەر مەن 77 جاتتىق­تىرۋشى يەلەندى.

Qabilet – باستامانىڭ تاعى ءبىر جوباسى. بۇل مەكتەپ وقۋشىلارىنىڭ قابى­لەتتەرىن تەكسەرۋ جانە كاسىپتىك باعدارلاۋ قىزمەتى. ماقسات – دارىندى جاستاردى قولداۋ جانە ولاردىڭ الەۋەتىن ىسكە اسىرۋ. 2021 جىلى بۇل قىزمەتتەن 10-11 جاستاعى 60 مىڭ بالا ءوتتى. 100 پسيحولوگ وقىتىلدى.

قوردىڭ جوبالاۋ باسقارماسى

الەۋمەتتىك جوبالار مەن قايىرىم­دىلىق ءىس-شارالاردى جۇزەگە اسىرۋ ءۇشىن قور جوبالىق باسقارۋ مودەلىن پايدالانادى. قوردىڭ جوبالىق كەڭسەسى جەكە جانە قوردىڭ الماتى قالاسىنداعى وكىل­دىكتەرى ۋنيۆەرسيتەتتەرمەن، عىلىمي ورتا­لىقتارمەن، مەملەكەتتىك ورگاندارمەن جانە ۇەۇ-مەن بىرلەسىپ سوڭعى 10 جىلدا 1 000-نان استام ءىس-شارا وتكىزدى.

قور جۇمىسىنىڭ ماڭىزدى باعىتى­نىڭ ءبىرى حالىقتى الەۋمەتتىك قولداۋعا باعىتتالعان قوعامدىق ۇيىمداردى قولداۋ بولىپ قالا بەرەدى.

قوردىڭ تاريحى تەرەڭ زاكىرلىك جوبا­سىنىڭ ءبىرى الەۋمەتتىك يدەيالار مەن جوبالار جارمەڭكەسى. ونىڭ ماقساتى – جوبالاردى جەرگىلىكتى دەڭگەيدە ىسكە اسىرۋ ارقىلى ماڭىزدى ماسەلەلەردى شەشۋ ءۇشىن قوعامدىق ۇيىمداردى انىق­تاۋ جا­نە قولداۋ. ۇزدىك قوعامدىق ۇيىم­داردا­عى جوبالاردى ىسكە اسىرۋعا قور­دىڭ گران­تى بولىنەدى. وسى جىلدار ىشىندە قازاق­ستاننىڭ 300-دەن استام قوعام­دىق ۇيىمى جوباسىن ىسكە اسىرۋعا گرانت الدى.

2021 جىلى بايقاۋعا رەكوردتى 221 جوبا جونەلتىلدى. بۇل ەرەكشە قاجەتتىلىگى بار ادامداردى الەۋمەتتىك بەيىمدەۋ، حالىقتى الەۋمەتتىك جانە قۇقىقتىق قور­عاۋ، دەنساۋلىق ساقتاۋ سالاسىنداعى جوبالار. قور جەڭىمپازىنىڭ ارقاي­سىسىنا 2،6 ملن تەڭگە (جوباعا بايلانىستى) بەرىلدى.

قوردىڭ تسيفرلى جانە تەحنيكالىق يننوۆاتسيالار سالاسىنداعى جوبالارى جاس­تار اراسىندا كەڭ تانىلعان. مەم­لەكەت باسشىسى قاسىم-جومارت تو­قاەۆ­تىڭ ەكونوميكانىڭ تەحنيكالىق باعىتىنداعى مامانداردى ارتتىرۋ مىندەتىنە بايلانىس­تى قور وسى سالاداعى جوبالارىن ودان ءارى نىعايتادى.

«تسيفرلىق ترانسفورماتسيا جانە ءومىر­دىڭ جاڭا ساپاسى» اتتى OPEN MIND اشىق يننوۆاتسيالاردىڭ ءبىرىنشى ونلاين فورۋمى تسيفرلى سەرۆيستەردى ازىر­لەۋشىلەردىڭ، IT-كومپانيالاردىڭ باسشى­لارىنىڭ، جاستاردىڭ قازاقستاندا تسيفر­لاندىرۋدى دامىتۋ ماسەلەسىن تالقىلاعان ساراپتامالىق الاڭعا اينالدى. فورۋمدا «كازروبوپروەكت-2021» روبوتوتەحنيكا بايقاۋىنىڭ جانە قازاقستاندىق جاس باع­دارلاماشىلارعا ارنالعان Smart Zholy جارىسىنىڭ جەڭىمپازدارى جاريالاندى.

قور «سمارت جولى» باعدارلاماسىن 2017 جىلدان باستاپ سينگاپۋردىڭ ەشا­لون ازيا ءسامميتىنىڭ جەتەكشى ستار­­تاپ-الاڭىمەن بىرلەسىپ ىسكە اسى­را­دى. 5 جىل ىشىندە جوباعا 280 ءوتى­نىم بەرىل­دى، ونىڭ 40 قاتىسۋشى وسى جىلدارى سين­گاپۋرداعى فينالعا قا­تىس­تى، ال Intellection، Webtotem جانە Nommi ستار­تاپ قاتىسۋشىلارى ينۆەستورلاردىڭ قارجىسىن تارتتى.

ستۋدەنتتەر اراسىنداعى ءىرى جارىس – جوعارى وقۋ ورىندارى اراسىنداعى روبوتوتەحنيكا بويىنشا «ETU روبوكون 2021» II رەسپۋبليكالىق چەمپيوناتى جاس ونەرتاپقىشتاردىڭ ۇزدىك 13 كومانداسىن جينادى.

بەلگىلى عالىمدار، جاس زەرتتەۋشىلەر، ستارتاپەرلەر مەن ينۆەستورلار ءۇشىن «تاۋەل­سىز قازاقستاننىڭ زياتكەرلىك الەۋە­تى: قالىپتاسۋ مەن دامۋدىڭ 30 جى­لى» اتتى ءى حالىقارالىق جاس عالىمدار فورۋمى ءىرى وقيعاعا اينالدى. فورۋمدا 14 ەلدەن 200 سپيكەر ءسوز سويلەدى. 50 000 استام ادام ونلاين قاتىستى.

فورۋم سوڭىندا رەسپۋبليكالىق ستۋ­دەنت­تىك ستيپەنديالار بايقاۋىنىڭ جەڭىم­پازدارى ماراپاتتالدى. وسى جىلدار ىشىندە 700-دەن استام ستۋدەنت قوردىڭ ستۋ­دەنتتىك ستيپەندياسىن يەلەندى. 2021 جىلى بايقاۋعا قازاقستان وڭىرلەرىنەن 350-دەن استام ستۋدەنت قاتىسىپ، ونىڭ 80-ءى نۇرسۇلتان نازارباەۆ قورىنىڭ ستيپەندياسىن 2021-2022 وقۋ جىلىندا الاتىن بولدى.

ستيپەنديا يەگەرلەرىنىڭ اراسىندا ەكى پلاتينا ديسكىسىن العان جانە الەمدىك TikTok الەۋمەتتىك جەلىسى بايقاۋىندا ۇزدىك دەپ تانىلعان مۋزىكانت ارىستان ءابىلدين بار. تاعى ءبىر تانىمال ستيپەندياتىمىز اسحات جۇمابەكوۆ. 2021 جىلى «الەم مۇعالىمى» جاھاندىق سىيلىعىنىڭ يەگەرى اتانعان ول سەمەي قالاسىنداعى فيزيكا ءپانىنىڭ مۇعالىمى.

ءار جىلدارى قور سىيلىعىنىڭ لاۋ­رەاتى اتاعىن يەلەنگەن كوپتەگەن ما­دە­نيەت جانە عىلىم قايراتكەرى كەڭى­نەن تانىلدى. قازىرگى ۋاقىتتا 258 قايرات­كەر قوردىڭ لاۋرەاتى اتانعان. ونىڭ ىشىندە انشىلەر، اكتەرلەر مەن وپەرا، با­لەت ارتىستەرى، تالانتتى دارىگەرلەر، الەۋ­مەت­تانۋشىلار، جۋرناليستەر جانە ت.ب. بار.

جاستاردىڭ سۇيىكتى جوباسىنىڭ ءبىرى – «التىن توبىلعى» جاس ادەبيەتشىلەر باي­قاۋى. بىلتىر بايقاۋعا 154 جۇمىس ۇسى­نىلدى. ۇزدىك ەڭبەكتىڭ اۆتورلارى قوردان اقشالاي سىيلىقتار مەن ديپلومدار الدى.

زامانىمىزدىڭ ناعىز باتىرلا­رى، ەرجۇرەك جانە مەيىرىمدى ادام­دار – «قايى­رىمدىلىق كەرۋەنى» جو­با­سى­نىڭ باستى كەيىپكەرلەرى. جوبانىڭ ءتورت جىلدىق تاريحىندا وسىنداي 1 000-عا جۋىق ادام انىقتالدى. قور جىل سايىن وزگەگە ۇلگى بولاتىن وسىنداي جاندار تۋرالى بەينەروليكتەر شىعارادى.

ەلوردادا قر تۇڭعىش پرەزيدەنتى – ەل­باسى مۋزەيىندە ورنالاسقان Nazarbaev Ortalyǵy دامۋ ورتالىعى بالا­لارعا قو­سىم­شا ءبىلىم مەن داعدى الۋ ءۇشىن جاڭا مۇم­كىندىكتەر ۇسىنادى. مۇن­دا قازاقستان تاري­حىن زەردەلەۋگە، ءتۇرلى باعىت بويىنشا وزىق ءبىلىم بەرۋ باعدار­لامالارىن يگەرۋگە بار­لىق جاعداي جا­سال­عان. ورتالىقتا STEM ءبىلىم بەرۋدى دامىتۋدىڭ 4 زەرتحاناسى بار.

2021 جىلدىڭ قاڭتار ايىنان باستاپ وسى كۇنگە دەيىن ورتالىقتىڭ زەرتحانالارىن­دا 2 219 بالا ءبىلىم الدى، ونىڭ 215-ءى تەگىن وقى­دى. ورتالىقتا 300 بالاعا ار­نال­عان جازعى جانە كۇزگى لاگەرلەر ۇيىم­داس­تىرىلدى، شاحمات زەرتحاناسىنىڭ ستۋ­دەنتتەرى قالالىق جانە رەسپۋبليكالىق ءتۋر­نيردىڭ جۇلدە­گەرى اتاندى. مۇنداعى «پورا ۆەريت ۆ چۋدو» مەرەكەلىك باعدار­لاماسىنا 1 400 بالا قاتىستى، ونىڭ 700-ءى ەرەكشە قاجەتتىلىگى بار بالالار. قازاق ءتىلى مەن مادەنيەتىن ناسيحاتتاۋ – جۇمىستىڭ ماڭىز­دى باعىتىنىڭ ءبىرى بولىپ قالا بەرە­دى. نۇرسۇلتان نازارباەۆ قورى جا­نىن­داعى مەملەكەتتىك ءتىلدى دامىتۋ قورى وسى سالادا بىرقاتار جوبانى جۇزەگە اسىرىپ كەلەدى.

«اباي الەمى» ونلاين بايقاۋى 2 جىل­دا ەلىمىزدىڭ تۇكپىر-تۇكپىرىنەن كەلگەن 200-دەن استام قازاق تىلىندەگى ۇزدىك عىلى­مي جۇمىستىڭ اۆتورىن، ستۋدەنت پەن ماگيس­ترانتتى بىرىكتىردى. بايقاۋدىڭ 25 جەڭىم­پازى اقشالاي سىيلىق الدى.

قور Abaialemi.kz العاشقى ەنتسيكلو­پەديالىق ونلاين پورتالىن، ونىڭ ءمو­بيل­دى قوسىمشاسىن قۇردى، Soyle.kz ونلاين پورتالدا مەملەكەتتىك ءتىلدى وقىتۋ ۇيىمداستىرىلادى. قازىرگى تاڭدا پورتال­دىڭ قارالىم سانى 9 030 000-نان استى. « ۇلى دالا اڭىزدارى» كوميكستەر جوباسى ازىرلەندى، Qazcomics.kz ۆەب-سايتى قۇرىلدى، قازاق اڭىزدارىنىڭ جە­لىسى بو­يىنشا 3 تىلدە 15 كوميكس شىعا­رىلدى.

نۇرسۇلتان نازارباەۆ قورى ءۇشىن جاھاندىق بەيبىتشىلىك پەن كەلىسىم قۇن­دىلىقتارىن نىعايتۋ سالاسىنداعى حا­لىق­ارالىق ىنتىماقتاستىق ماڭىزدى با­عىت بولىپ قالا بەرەدى. ەلباسىنىڭ قاۋىپ­سىز الەم قۇرۋ مەن يادرولىق قارۋسىز­دانۋ­دىڭ ماڭىزى تۋرالى باستامالارى بۇل قىزمەت­تىڭ يدەولوگيالىق باستى باعىتى سانالادى.

«استانا كلۋبتىڭ» وتىرىستارى ەڭ ءىرى ديالوگ الاڭى بولىپ تابىلادى. بىل­تىر وتكەن التىنشى وتىرىستا قازىر­گى زاماننىڭ وزەكتى سىن-قاتەرلەرىن تالقى­لاۋعا 54-تەن استام شەتەلدىڭ بەدەلدى سپيكەرلەرىن، ونىڭ ىشىندە بۇرىنعى مەم­لەكەت جانە ۇكىمەت باسشىلارىن، زەرت­تەۋ ورتالىقتارىنىڭ باسشىلارىن جانە ت.ب. بىرىكتىردى. يادرولىق قاۋىپسىزدىك جونىندەگى كوشباسشىلاردىڭ جاھاندىق اليانسى ەلباسىنىڭ يادرولىق قارۋسىز الەم قۇرۋ تۋرالى ۇندەۋىنە 100-دەن استام بۇرىنعى مەملەكەت جانە ۇكىمەت باسشىلارى، حالىقارالىق قاتىناستار جانە قاۋىپسىزدىك جونىندەگى ساراپشىلار، ەۋروپالىق كوميسسيانىڭ بۇرىنعى توراعاسى جوزە مانۋەل بارروزۋ، ماگاتە-ءنىڭ بۇرىنعى باس ديرەكتورى موحاممەد ءال-بارادەي، سلوۆەنيانىڭ بۇرىنعى پرەزيدەنتى دانيلو تيۋرك جا­نە ت.ب. جەتەكشى تالداۋ ورتالىقتارى قوسىل­دى. بۇل باعىتتاعى جۇمىس كەيىنگى جىلدارى دا جالعاسادى.

2021 جىلى نۇرسۇلتان نازارباەۆ قورى جانىنداعى الەمدىك ەكونوميكا جانە سايا­سات ينستيتۋتى (اەسي) وزەكتى باعىتتار بويىنشا حالىقارالىق ساياساتتى ىسكە اسى­رۋ سالاسىنداعى زەرتتەۋ جۇ­مىستارىن ءساتتى جۇرگىزۋدە. اەسي حا­لىقارالىق تال­داۋ ورتالىقتارىمەن بەل­سەندى ءوزارا ءىس-قيمىل جاساپ، تاجىريبە مەن زەرتتەۋ ناتيجەلەرىمەن الماسادى. ينستيتۋت 4 ون­لاين كونفەرەنتسيا وتكىزدى، ساراپشىلار 21 ءىس-شاراعا قاتىستى، سىرتقى ساياسات، قاۋىپسىزدىك، ەكونوميكا، ىشكى ساياسات جانە الەۋمەتتانۋ بويىنشا 34 ساراپتامالىق ماتەريال دايىندادى. قازاقستاننىڭ 17 وڭى­رىندە 48 فوكۋس-توپپەن 2 الەۋمەتتىك زەرتتەۋ جانە حالىققا جاپپاي ساۋالناما جۇرگىزىلدى.

قوردىڭ قايىرىمدىلىق باستامالارى

قايىرىمدىلىق قىزمەت قور جۇ­مى­سىنىڭ اجىراماس بولىگى. قور ۇنەمى مۇقتاج جاندارعا قولداۋ كورسە­تەدى. نۇر­سۇلتان نازارباەۆ قورى كوممەر­تسيالىق ەمەس ۇيىم بولىپ تابىلادى جانە قىزمەتى ارقىلى تابىس تابۋ ماقسا­تىن كوز­دەمەيتىنىن تاعى دا ايتقىم كەلەدى.

ۇيىم ەلىمىزدە كوروناۆيرۋس ينفەك­تسيا­سىنىڭ تارالۋىنا قارسى ءىس-قيمىل جاساۋعا 200 ميلليون تەڭگە ءبولدى. قا­راجات دارىگەرلەردى قارجىلاي قولداۋ­عا، 50 مىڭ مەديتسينالىق ماسكا، دەزين­فەكتسيالىق قۇرالدار جانە ت.ب. ساتىپ الۋعا جۇمسالدى.

قور تانىمال الپينيست ماريا اۋە­زو­ۆاعا بيونيكالىق پروتەزدەرىن الۋعا كومەكتەستى.

2021 جىلى «دەگدار» قورىمەن بىرلەسىپ 5 وبلىس پەن رەسپۋبليكالىق ماڭىزى بار 3 قالادا ۇيىمداستىرىلعان «ەلباسى جىلۋى» اكتسياسى 2 100-گە جۋىق از قامتىلعان جانە كوپبالالى وتباسىنى قامتىدى. ءاربىر جانۇياعا كومەك رەتىندە 120 كگ ازىق-ت ۇلىك بەرىلدى.

سونىمەن بىرگە قور قر پرەزيدەنتى ءىس باسقارماسى مەديتسينالىق ورتالىعى جانىنان روبوتتاندىرىلعان حيرۋرگيا بويىنشا قازاقستاندىق حالىقارالىق رەفەرەنس وقىتۋ ورتالىعىن قۇرۋدى قارجىلاندىردى. ورتالىق قازاقستاندىق مەديتسينا عىلىمىن جاڭا، وزىق دەڭگەيگە شىعارادى.

ەل پرەزيدەنتى قاسىم-جومارت تو­قاەۆ­تىڭ باستاماسىن قولداي وتىرىپ، نۇرسۇلتان نازارباەۆ قورى «قازاقستان حالقىنا» قوعامدىق الەۋمەتتىك قورىنا 500 ميلليون تەڭگە اۋداردى.

قازاقستان پرەزيدەنتى مەملەكەتتىك ورگانداردى قازاقستاندىقتاردىڭ الەۋ­مەت­تىك ءال-اۋقاتىن ارتتىرۋ، كەلىسىم مەن بەيبىتشىلىكتى نىعايتۋ جونىندەگى بەل­سەن­دى جۇمىسقا جۇمىلدىرادى. بۇل مىن­دەتكە ازاماتتىق قوعام وكىلدەرىنىڭ قاتىسۋىنسىز، حالىقپەن جۇيەلى جۇمىس ورناتپاي جانە جاستار باستاماسىن قول­داۋسىز قول جەتكىزۋ مۇمكىن ەمەس. ويتكەنى جاستار – قوعامنىڭ ەڭ بەلسەندى جانە سەرپىندى بولىگى. ەلدىڭ بولاشاعى ونىڭ الەۋەتى مەن يدەيالارىن ىسكە اسىرۋعا بايلانىستى.

ءوز تاراپىنان نۇرسۇلتان نازارباەۆ قورى ەل ۇكىمەتىمەن سەرىكتەستىك قۇرا وتى­رىپ، باسەكەگە قابىلەتتى جاس ۇرپاقتى قالىپتاستىرۋ جونىندەگى جۇمىستى جال­عاستىرادى.

 

الكەي مارعۇلان ۇلى،

نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار