قوعام • 26 قاڭتار، 2022

كارانتيندى جەڭىلدەتۋ جاۋاپكەرشىلىكتى ازايتپايدى

46 رەت كورسەتىلدى

ەلدەگى ەپيدەميالىق جاعدايعا قاراماستان، ينفەكتسيامەن كۇرەسۋدىڭ ەكى جىلدىق تاجىريبەسىن ەسكەرە وتىرىپ كارانتيندىك شارالاردى جەڭىلدەتۋدىڭ ءۇش ءتاسىلى ازىرلەندى. بۇل ءبىلىم بەرۋ ۇيىمدارىنا، كارانتين مەرزىمىنە جانە بيزنەس قىزمەتىنە بايلانىستى.

كوللاجدى جاساعان زاۋرەش سماعۇل، «ەQ»

دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقى­لاۋ كوميتەتىنىڭ توراعاسى ايجان ەسما­عام­بەتوۆانىڭ ايتۋىنشا، جىل باسىنان بەرى رەسپۋبليكادا 178 مىڭنان استام ادام كوروناۆيرۋس ينفەكتسياسى­مەن اۋىرعان.  پاندەميانىڭ بۇكىل كەزەڭىمەن سالىستىرعاندا العاش رەت سىر­قاتتانعانداردىڭ تاۋلىكتىك تىركەلۋى 16 مىڭنان استى. بۇل «وميكرون» شتامى­نىڭ وتە جوعارى جۇقپالىعىنا جانە تارالۋ جىلدامدىعىنا بايلانىس­تى. سوعان قاراماستان كارانتين تالاپتارى جەڭىلدەتىلىپ وتىر.

– ءبىلىم بەرۋ ۇيىمدارىندا بالالاردى وقىتۋ فورماتى قايتا قارالدى. وقىتۋدىڭ ونلاين فورماتى ءبىلىم ساپاسىنا جانە وقۋشىلاردىڭ، اسىرەسە باس­تاۋىش سىنىپتاردىڭ الەۋمەتتەنۋىنە اسەر ەتەدى. 1 جانە 2-توقساندا مەكتەپ­تەردە وقۋشىلاردىڭ قاۋىپسىزدىگىن قام­تاماسىز ەتۋ بويىنشا جۇمىس تاجىري­بەسى قالىپتاستى. وسىعان بايلانىس­تى 24 قاڭتاردان باستاپ سىيىمدىلىعى 600 وقۋشىعا دەيىنگى كولەمدى قۇرايتىن مەك­تەپ­تەر شتاتتىق فورماتقا اۋىستى. ال وقۋشى سانى 600-دەن اساتىن مەك­تەپ­­تەردە وقىتۋدى ۇيىمداستىرۋعا سارا­لانعان ءتاسىل قولدانىلادى. ياعني وقۋشىلاردىڭ 50 پايىزى عانا شتاتتىق فور­مات­تا وقىتىلادى. وقىتۋ فورماتىن تاڭداۋ كەزىندە مىندەتتى تۇردە ۆاكتسينامەن قامتۋ دەڭگەيى ەسكەرىلەدى. جوعارى وقۋ ورىندارى مەن كوللەدجدەردە دە سارالانعان ءتاسىل ەنگىزىلدى: دارىستەر – ونلاين، قالعان ساباقتار قولايلى كەستە بويىنشا شتاتتىق رەجىمدە وتەدى، – دەدى ا.ەسماعامبەتوۆا. 

سونىمەن قاتار سانەپيدباقىلاۋ ورگاندارى تۇراقتى نەگىزدە ىندەتكە قارسى شارالاردىڭ ساقتالۋىنا مونيتورينگ جۇرگىزەدى. ەگەر سىنىپتا كۆي جۇقتىرۋ جاعدايى انىقتالسا، بۇكىل سىنىپ ونلاين فورماتقا اۋىستىرىلادى.

ينفەكتسيانىڭ تارالۋ جىلدامدى­عى مەن جۇقپالىلىعىن ەسكەرە وتىرىپ، كارانتين مەرزىمى، سايكەسىنشە، Ashyq قوسىم­شاسىنداعى مارتەبەنىڭ وزگە­رۋ مەرزىمى قايتا قارالدى. ا.ەسما­عام­بەتوۆانىڭ ايتۋىنشا، جاقىن بايلانىس­تا بولعان جانە سيمپتومسىز ناۋقاستار ءۇشىن كارانتين مەرزىمى 14 كۇننەن 10 كۇنگە دەيىن قىسقارتىلدى. بۇل رەتتە پتر-تەستى تەرىس ناتيجەنى كور­سەت­سە، 7-ءشى تاۋلىكتە كارانتين اياق­تالا­دى. پتر-تەستىنەن وتپەگەن جاع­داي­دا، كا­ران­­تين پتر-تەستى قايتا تاپ­سىرۋسىز-اق 10-شى كۇنى اياقتالادى.

– مەملەكەت باسشىسىنىڭ تاپسىرماسىنا سايكەس ۇكىمەت بيزنەس سۋبەكتىلەرىنە قويىلاتىن شەكتەۋلەر­دى تومەندەتۋ تاسىلدەرىن ازىرلەدى. بيز­نەس نىساندارىندا Ashyq جوبا­سىن ودان ءارى ەنگىزۋ جالعاسىن تابادى. «جاسىل» جانە «كوك» مارتەبەسى بار كەلۋشىلەرگە رۇقسات ەتىلگەن نىساندار ءۇشىن بارلىق ايماقتا جۇمىس ىستەۋ ۋاقى­تى­نا قاتىستى شەكتەۋلەر الىنىپ تاستالادى. ەپيدەميا­لىق تاۋە­كەلى جوعارى بولسا دا، Ashyq-تا «جاسىل» مارتەبەسى بار ادامدار توي، ەسكە الۋ شارالارىن، سپورتتىق ءىس-شارا­لار­دى، كورمەلەر مەن فورۋمداردى وتكىزە الادى. ەپيدەميالىق تاۋە­كەل ايماعىنا قاراماستان «كوك» مار­تەبەسى بار ادامدار قوناقۇيلەرگە، اۋە­جايلارعا، تەمىر جول ۆوكزالدارىنا، اۆتوۆوكزالدارعا، حالىققا قىزمەت كور­­سەتۋ ورتالىقتارىنا، «قازپوشتا» بولىم­شەلەرىنە، بانكتەرگە، قوعامدىق تاماق­تانۋ ورىندارىنا، جابىق بازار­لارعا، ءبىلىم بەرۋ ورتالىقتارىنا، سپا-ورتالىقتارعا، سۇلۋلىق سالوندارىنا، وبلىسارالىق، وبلىسىشىلىك، قالالىق تاسىمالدارعا شەكتەۋسىز كىرە الادى، – دەدى كوميتەت توراعاسى.

ال «كوك» مارتەبەسى بار كەلۋشىلەر ءۇشىن «جاسىل ايماقتاعى» شەكتەۋلەر الىنىپ تاستالادى. قوعامدىق تاماق­تانۋ ورىندارىنىڭ، مادەنيەت نىسان­دارىنىڭ، ەرەسەكتەر مەن بالا­لار­عا ارنالعان ويىن-ساۋىق ورىن­دارىنىڭ تولىمدىلىعى «سارى ايماقتا» – 70 پا­يىزعا دەيىن، «قىزىل ايماقتا» 60 پا­يىزعا دەيىن ۇلعايتىلدى.

– بيزنەستىڭ بارلىق سالاسىندا كاران­تيندىك شارالار جەڭىلدەتىلەدى. بۇل – ولارعا بەرىلگەن مۇمكىندىك. تيىسىنشە، بۇعان ۇلكەن جاۋاپكەرشىلىكپەن قاراۋ كەرەك، – دەدى ا.ەسماعامبەتوۆا. 

دەنساۋلىق ساقتاۋ جۇيەسىندەگى جۇكتەمە ارتىپ، كوروناۆيرۋستىڭ سالدارىنان بولاتىن ءولىم-ءجىتىمنىڭ كوبەيۋى انىقتالعان كەزدە قوسىمشا شەكتەۋ شارالارى ەنگىزىلۋى مۇمكىن.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

جەزقازعاندىقتارمەن جۇزدەستى

رەفەرەندۋم-2022 • بۇگىن، 08:28

حالىق تىلەگىنەن تۋعان باستاما

رەفەرەندۋم-2022 • بۇگىن، 08:26

جۇمىلعان جۇدىرىقتاي قاتىسۋىمىز كەرەك

رەفەرەندۋم-2022 • بۇگىن، 08:24

جاڭارۋ جولىنداعى قۇلشىنىس

رەفەرەندۋم-2022 • بۇگىن، 08:20

سەمەيگە سەرپىلىس بەرەتىن باستاما

رەفەرەندۋم-2022 • بۇگىن، 08:17

ۇقساس جاڭالىقتار