اباي اتىنداعى قازۇپۋ وكاياما ۋنيۆەرسيتەتىنىڭ تۇراقتى دامۋ ءۇشىن ءبىلىم بەرۋدى دامىتۋ ورتالىعىمەن بىرلەسكەن جۇمىسىن 2019 جىلدان باستاعان بولاتىن. ول تۇراقتى دامۋ مۇددەسىندە ءبىلىم بەرۋ ءۇشىن مۇعالىمدەردىڭ قۇزىرەتىن ازىرلەۋ جوباسى اياسىندا ىسكە استى. 2021 جىلدىڭ ناۋرىز ايىنان باستاپ اباي ۋنيۆەرسيتەتى قىتاي, ءۇندىستان, يندونەزيا, جاپونيا, قازاقستان, مالايزيا, موڭعوليا, فيليپپين جانە تايلاند سياقتى ازيانىڭ توعىز ەلىنىڭ ۋنيۆەرسيتەتتەرىنىڭ وكىلدەرى قاتىساتىن «تۇراقتى دامۋ ءۇشىن ءبىلىم بەرۋدىڭ ازيالىق ورتالىقتارى اراسىنداعى ىنتىماقتاستىق ارقىلى كليماتتىڭ وزگەرۋى بويىنشا مۇعالىمدەردىڭ ءبىلىمىن ىلگەرلەتۋ» جوباسىنا قاتىسادى.
ينستيتۋت ديرەكتورى كۇلاش كايمۋلدينوۆانىڭ باسشىلىعىمەن ءبىزدىڭ عالىمدار كومانداسى كليماتتىڭ وزگەرۋى ماسەلەلەرىن زەرتتەۋگە, سونداي-اق ءبىلىم بەرۋدى ورتا جانە جوعارى دەڭگەيدە تۇزەتۋگە ۇلەس قوسۋدا.
ءىس-شارا بارىسندا اباي ۋنيۆەرسيتەتىنىڭ ستراتەگيا, تسيفرلاندىرۋ جانە ينتەرناتسيونالداندىرۋ جونىندەگى پرورەكتورى اقتولقىن قۇلساريەۆا بۇل جوبانىڭ ماڭىزدىلىعىنا توقتالىپ, قازىر جاھاندىق كليماتتىڭ وزگەرۋى ماسەلەسى بۇكىل الەمدە بەلسەندى تۇردە تالقىلانىپ جاتقاندىعىن اتاپ ءوتتى. تاراپتار ونلاين رەجيمىندە ىنتىماقتاستىق تۋرالى كەلىسىمشارتقا قول قويدى. بۇل كەلىسىمشارت جەمىستى ىنتىماقتاستىققا جول اشادى جانە ستۋدەتتەرمەن, وقىتۋشىلارمەن الماسۋعا, سونداي-اق بىرلەسكەن ءبىلىم بەرۋ باعدارلامالارىن ەنگىزۋگە مۇمكىندىك بەرەدى.
