اۆتوموبيل جولىندا بىرنەشە شاقىرىمعا سوزىلعان كولىك كەپتەلىسى پايدا بولعان. گرەكيا بيلىگى «اتتيكا ودوستاعى» جۇزدەگەن كولىكتەردى قار قۇرساۋىنان قۇتقارۋ بويىنشا اۋقىمدى وپەراتسياعا كىرىسكەنى تۋرالى ازاماتتىق قورعانىس ءمينيسترى حريستوس ستيلانيديس حابارلادى.
وپەراتسيا ءورت ءسوندىرۋ قىزمەتىنىڭ, پوليتسيانىڭ قاتىسۋىمەن جانە قارۋلى كۇشتەردىڭ, سونداي-اق ەرىكتىلەردىڭ ۇلكەن كومەگىمەن جۇزەگە اسىرىلىپ جاتىر.
«العاشقى ءۇش ساعات ىشىندە جۇزگە جۋىق جۇرگىزۋشى كومەكتەستى», دەلىنگەن باسىلىم تاراتقان اقپاراتتا.
بۇل كۇنى جۇرگىزۋشىلەرگە تاماق پەن سۋ بەرىلىپ, ولاردى قاۋىپسىز جەرلەرگە تاسىمالداۋ ۇيىمداستىرىلعان. وقيعا ورنىنان جەدەل اقپارات تاراتقان بىرنەشە جۋرناليست تە قار قۇرساۋىندا قالىپ قويعان.
الەۋمەتتىك جەلىلەردە كەيبىر جۇرگىزۋشىلەر 14 ساعات بويى قار قۇرساۋىندا تۇرعانى تۋرالى حابارلامالار دا تارادى.
