ەسكە سالا كەتەيىك, جاڭا جىل مەرەكەسى قارساڭىندا «استانا وپەرا» تەاترى كلاسسيكالىق مۋزىكاعا ارنالعان «مەتستسو» تەلەارناسىندا 1200 مۋزىكانتتىڭ ورىنداۋىندا گ.مالەردىڭ №8 سيمفونياسى جازباسىنىڭ كورسەتىلىمىن جۇرگىزگەن بولاتىن. كونتسەرت ەۋروپانىڭ جانە الەمنىڭ 38 ەلىندە كورسەتىلىپ, شامامەن 40 ميلليون ادامنان تۇراتىن كورەرمەندەر اۋديتورياسى قازاقستاندىق مۋزىكانتتاردىڭ ورىنداۋىنداعى وسىناۋ ۇلى شىعارمامەن تانىستى.
«ەڭ الدىمەن, مەنى وسى جوبانىڭ اۋقىمى تاڭعالدىردى, مۇنداي عالامات كونتسەرت ۇيىمداستىرۋ ۇلكەن ەڭبەكتى تالاپ ەتكەنى انىق. وركەستردىڭ, حوردىڭ جانە سوليستەردىڭ ءان شىرقاۋى ەڭ جوعارى دەڭگەيدە ورىندالدى. اتاقتى ديريجەر الان بورىباەۆتى بىزدە, ياعني ەۋروپادا عانا جاقسى كورمەيدى, ول بۇگىندە بارلىق جەردە سۇرانىسقا يە. بۇل كونتسەرتتە ماەسترو قازاقستاندىق ارتىستەردىڭ زور الەۋەتىن اشتى جانە بىزگە قازاقستان ودان سايىن جاقىن بولا تۇسكەنى ءسوزسىز», دەپ ءوز اسەرىمەن بولىسەدى فرانتسيادا تۇراتىن جەلى قولدانۋشىسى كريستيان ەرسكين.
قازاقستاندىق ونەردىڭ جوعارى دەڭگەيى مەن ەلدىڭ شىعارماشىلىق الەۋەتىنە تەلەارنانىڭ باسقا دا سۇيىكتى كورەرمەندەرى باعا بەردى. «بۇل گ.مالەردىڭ شىعارماشىلىعىنداعى ەڭ جاقسى كورەتىن سيمفونيالارىمنىڭ ءبىرى. ول قازاقستاندىقتاردىڭ ورىنداۋىندا ەرەكشە شىقتى, بۇل رەتتە ارتىستەردىڭ شەبەرلىگى, شىعارمانى تەرەڭ ءتۇسىنۋى ماڭىزدى ءرول اتقاردى دەپ ويلايمىن, كەشتى تاماشا وتكىزدىم. وسىناۋ كەرەمەت كونتسەرتتى تاماشالاپ ۇلگەرمەگەن بارلىق ادامعا باعدارلامانى قاراپ, ونىڭ كەلەسى كورسەتىلىمىن مىندەتتى تۇردە جىبەرىپ الماۋعا كەڭەس بەرەمىن», دەپ اتاپ ءوتتى فلەر دە گيز.
ايتا كەتۋ كەرەك, گ.مالەردىڭ №8 سيمفونياسى «مەتستسو» تەلەارناسىندا بىلتىرعى جەلتوقسان ايىنان باستاپ كورسەتىلەدى. كورسەتىلىمدەردىڭ كەزەكتى توپتاماسىن كورەرمەندەر قازاقستان ۋاقىتى بويىنشا: 4 اقپاندا 7:45-تە, 9 اقپاندا 14:40-تا, 11 اقپاندا 12:30-دا, 18 اقپاندا 10:45-تە تاماشالاي الادى.
