كوروناۆيرۋس • 25 قاڭتار، 2022

ۆيرۋسقا شالدىققاندار كوبەيىپ بارادى

35 رەت كورسەتىلدى

Covid-19 ينفەكتسياسىنىڭ تارالۋى بويىنشا ءبىر اپتادان بەرى «قى­زىل ايماقتا» تۇرعان اقتوبە وبلىسىندا 19 قاڭتاردا – 459، 20 قاڭتاردا 586 ناۋقاس تىركەلدى. وسىلايشا ەكى تاۋ­لىك­تىڭ ىشىندە كۇندەلىكتى ءوسىم 127 ادامعا جەتتى. ءۇي كاران­تي­نىنە 5 608 ادام الىنعان.

سۋرەتتى تۇسىرگەن ەرلان ومار، «EQ»

وبلىستىق سانيتارلىق-ەپي­دە­ميولوگيالىق باقىلاۋ دە­پار­تامەنتىنىڭ باسشىسى رايحان قويشانوۆانىڭ ايتۋىنشا، ازىر­گە وڭىردە «وميكرون» شتامىن جۇقتىرعاندار تىركەلگەن جوق. اۋرۋحاناعا ناۋقاستار نەگىزىنەن «دەلتا» شتامىنىڭ بەلگىلەرىمەن ءتۇسىپ جاتىر. جۇمادان باس­تاپ ينفەكتسيا تارالۋىنىڭ جىل­دام­دىعىنا بايلانىستى تەاتر، فيلارمونيا، كونتسەرت زالدارى، تۇنگى كلۋبتار، كاراوكە، كينوتەاتر­لار قىزمەتىنە تىيىم سالىندى. الايدا Ashyq باعدارلاماسىمەن كەلۋشىلەرگە تۇنگى ساعات 12-گە دەيىن قالاداعى قو­عامدىق تاماق­تان­دىرۋ ورىن­دارىنىڭ ەسىگى اشىق. قازىر­گى ۋاقىتتا Ashyq باع­د­ار­لا­ما­سى­نا قالاداعى 4 443 مە­كەمە قوسىلعان.

كوروناۆيرۋس ىندەتى تارال­عا­لى بەرى وڭىردە 38 280 جاعداي تىركەلسە، ونىڭ ىشىندە اۋرۋ بەل­گىلەرىمەن 28 858 ادام، جۇقپالى دەرت­تىڭ سيمپتومسىز تۇرىمەن
9 422 جاعداي تىركەلگەن. 34 594 ناۋقاس جازىلىپ شىقتى.

اۋىل مەكتەپتەرى مەن وقۋ­شىلار سانى 600-دەن اسپايتىن قالا مەكتەپتەرى شتاتتىق رەجىمدە جۇمىس ىستەي بەرەدى. ال وقۋشىلار سانى 600-دەن اساتىن ءبىلىم بەرۋ ۇيىمدارى ونلاين وقۋعا كوشسە، مەكتەپ اكىمشىلىگى شەشىمىمەن 1-2-سىنىپ وقۋشىلارىنىڭ شتاتتىق رەجىمدە وقۋىنا جانە 3، 4، 5-سىنىپتاردا كەزەكشى سىنىپ­تار اشۋعا رۇقسات ەتىلدى. كول­لەدجدەر مەن جوو ستۋدەنت­تەرى ارالاس فور­ماتتا وقيدى. ۆاكتسينالاۋدىڭ تولىق كۋرسىن العان ستۋدەنتتەر مەن وقۋ­شىلار شتاتتىق رەجىمدە وقۋىن جالعاستىرادى.

اقتوبە وبلىستىق دەنساۋلىق ساق­تاۋ باسقارماسى باس­شى­سى­نىڭ ورىن­باسارى ايگۇل امان­جو­لو­ۆانىڭ ايتۋىنشا، وسى وقۋ جىلىندا 160 مەكتەپتەن كۆي جۇقتىرعان 1 135 وقۋشى تىركەلدى. سونىڭ ىشىندە 295 وقۋ­شى­نىڭ كانيكۋل كەزىندە، ال 840 وقۋشىنىڭ ساباق باستالعالى جۇقتىرعانى بەلگىلى بولدى. قىركۇيەكتەن بەرى جوو ستۋدەنتتەرى اراسىندا 44، ورتا وقۋ ورىندارى ستۋدەنتتەرى ارا­سىندا 99 جاعداي تىركەلدى. وقىتۋشىلار اراسىندا 152 ادام وسى دەرتپەن سىرقاتتاندى.

قازىر وڭىردە 12-17 جاسقا دەيىنگى جاسوسپىرىمدەردى Pfizer ەكپەسىمەن ەگۋ جالعاسىپ جاتىر. 5 606 ءجاسوسپىرىم ءبىرىنشى قۇراممەن، 3 381 ءجاسوسپىرىم ەكىنشى قۇراممەن ەگىلدى. 732 جۇكتى ايەل دە Pfizer ەكپەسىن الدى.

وڭىردەگى ينفەكتسيالىق ستا­تسيو­ناردا 2 729 كەرەۋەت جاساق­تالىپ، وندا 247 ناۋقاس ەم قابىلداپ جاتىر. ال سىرقاتى اۋىر­لاعان 17 ادام جانساقتاۋ بو­لى­مىندە. ايتا كەتۋ كەرەك، قاڭ­تاردىڭ ىشىندە كۆي جۇق­تى­رىپ، دەرتى اسقىنعان 6 ادام قايتىس بولدى. سوڭعى مالىمەت بويىنشا، ينفەكتسيالىق كە­رەۋەتتەر جۇكتەلىمى – 49،8%، رەا­­نيماتسيالىق كەرەۋەتتەر جۇك­تەلىمى 22،6%-دى قۇرايدى. ەپي­­دە­ميالىق جاعداي ءورشۋى مۇمكىن دەگەن بولجاممەن ارتى­عىمەن
2 233 ورىن دايىندالدى. اقتو­بە­دە پتر-تەست تاپسىراتىن
14 زەرتحانا بار.

بىلتىر اقپان ايىنان باس­تاپ وبلىسقا جەتكىزىلگەن ەكپەلەر سانى – 1 ملن 890 دانا­نى قۇرادى. وسى ۋاقىتقا دەيىن اقتوبە وبلىسىندا 382 980 تۇرعىن ەكپەنىڭ ءبىرىنشى قۇرا­مى­مەن، 358 591 ادام ەكىنشى قۇ­رامىمەن ەگىلدى. سوڭعى دەرەك بو­يىنشا، رەۆاكتسينالاۋدان
43 421 ادام ءوتتى.

 

اقتوبە وبلىسى

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار