دەرت جۇقتىرعاندار قاتارى ارتتى

قاراعاندى وبلىستىق دەن­ساۋ­لىق ساقتاۋ باسقار­ما­سى­نىڭ باسشىسى گامال توقسامباەۆتىڭ سوزىنە سەنسەك, وڭىردە كوروناۆيرۋس ينفەكتسياسىنان ەمدەۋ ءۇشىن بارلىق قاجەتتى ءدارى-دارمەك, جەكە قورعانىس قۇرالدارى, سون­داي-اق وتتەگى كونتسەنتراتورلارى جەتكىلىكتى. بۇدان بولەك, وبلىستا «جامان تۇماۋدى» جەدەل انىقتاۋ ءۇشىن 8 پتر-زەرتحانا اشى­لىپ, 26 كومپيۋتەرلىك توموگرافيا اپپاراتى جۇمىس ىستەيدى. بيىل تاعى دا وسىنداي 4 كابينەت اشىلماق.

گ.توقسامباەۆ وڭىردە كۇن سا­يىن دەرت جۇقتىرعاندار سانى­نىڭ ارتىپ كەلە جاتقانىن حابارلادى.

– بۇل جاعداي جەدەل جاردەمگە جانە ءموبيلدى توپتارعا تۇسە­تىن قو­ڭى­راۋلاردىڭ ارتۋى بو­يىن­­شا ناقتىلانعان. بىزدە تو­­سەكتىك ورىن­دار­دى ورنالاستىرۋ كە­زەڭ­دىك جوسپارى بويىنشا جۇ­ر­گىزىلەدى. بۇگىندە رەزەرۆتە 2 300 توسەك بار. ياعني جۇيە دايىن, ءدارى-دار­مەك­تەر دە جەتكىلىكتى, – دەدى ول.

جوعارىدا ايتقان كومپيۋ­تەر­لىك توموگرافيا كابي­نەتتەرى مەملەكەت-جەكە­مەن­شىك ارىپ­تەس­تىك باع­دارلاماسى نەگى­زىن­دە جاڭا­ارقا, وساكاروۆ, قار­قارالى اۋدان­دارىنىڭ اۋرۋ­حا­نالارىندا, سونداي-اق وبلىس­تىق فتيزيوپۋل­مونولوگيا ورتا­لى­عىن­دا اشىلماق.

جالپى, وبلىستا كۆي دەر­تى­نە شالدىققاندارعا دارى­گەر­لىك كومەك كورسەتۋ ءۇشىن زاماناۋي مە­دي­تسينالىق قۇرال-سايمانمەن جابدىق­تالعان 44 ستاتسيونار جۇمىس ىستەيدى. بۇدان بولەك جە­لى­لىك جەدەل جاردەم ماشينالارىمەن قاتار 128 رەانيموبيل تۇرعىندارعا قىزمەت كورسەتەدى. ال اۋرۋ بوي بەرمەي بارا جاتسا, گوسپيتالداردا 6 مىڭنان استام دارىگەر جۇمىس ىستەۋگە دايىن.

وڭىردە وتتەگى باللوندارى جەتكىلىكتى. قازىرگى تاڭدا ونىڭ 29 مىڭ داناسى بار. سونىمەن قاتار وبلىستاعى مەديتسينالىق ۇيىمدارعا 1 160 ورتا­لىق­تان­دىرىلعان وتتەگى جەتكىزۋ قۇرىل­عى­سى ورناتىلعان. بارلىق ەمحانالاردا تۇرعىندار تەلەفون ارقىلى كەڭەس الا الاتىن سall-ورتالىقتار جۇمىس ىستەيدى.

باسقارما باسشىسى ۆاكتسي­نا­لاۋدىڭ ينفەكتسيا مەن اۋرۋ­دىڭ اسقىنۋىن بولدىرماۋعا كو­مەكتەسەتىنىن تاعى ءبىر مارتە ەسكە سالدى. ال وڭىردە وتكەن جىل­­دىڭ قاراشا ايىنان باستاپ كو­رو­ناۆيرۋس ينفەكتسياسىنا قار­سى تۇرعىنداردى رەۆاكتسينالاۋ باستالعان بولاتىن.

– وبلىستا 115 يممۋنداۋ ورتا­­لىعى بەلسەندى جۇمىس ىس­تەي­دى. Pfizer ۆاكتسيناسىن الۋ ءۇشىن مامانداندىرىلعان توڭازىتقىش قۇرالدارىمەن جابدىقتالعان قوسىمشا 27 ورتالىق بار. وڭىردە بارلىعى 566 مىڭنان استام ادام ەكپەنىڭ ەكىنشى كومپونەنتىن الدى, – دەيدى گ.توقسامباەۆ.

قاراعاندى وبلىسى