كوروناۆيرۋس • 24 قاڭتار، 2022

كاسىپكەرلەر ءۇشىن كارانتين تالاپتارى جەڭىلدەدى

49 رەت كورسەتىلدى

بۇگىن قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى Egemen.kz.

كۇن تارتىبىندەگى نەگىزگى ماسەلە - پاندەميا كەزەڭىندە بيزنەستىڭ قىزمەتىن قامتاماسىز ەتۋ ءۇشىن شەكتەۋ شارالارىن قايتا قاراۋ تۋرالى وتاندىق بيزنەس وكىلدەرىمەن كەزدەسۋدە مەملەكەت باسشىسىنىڭ بەرگەن تاپسىرماسىن ورىنداۋ بويىنشا شارالاردى ازىرلەۋ بولدى.

تالقىلاۋ قورىتىندىسى بويىنشا ۆاك دەنساۋلىق ساقتاۋ مينيسترلىگى ۇسىنعان بيزنەس سۋبەكتىلەرى قىزمەتىنىڭ شەكتەۋلەرىن ازايتۋ جونىندەگى شارالاردى قولدادى. اتاپ ايتقاندا، قىزمەتكەرلەر مەن كەلۋشىلەردىڭ «جاسىل» مارتەبەسى بويىنشا جۇمىس ىستەيتىن وبەكتىلەر ءۇشىن ەپيدەميولوگيالىق تاۋەكەلدىڭ بارلىق ايماقتارىندا (جاسىل، سارى، قىزىل) كارانتيندىك شەكتەۋلەردى جەڭىلدەتۋ تۋرالى شەشىم قابىلداندى.

سونداي-اق «كوك» مارتەبەسى بار كەلۋشىلەر ءۇشىن جۇمىس ىستەيتىن بيزنەس وبەكتىلەرى ءۇشىن ەپيدەميولوگيالىق قاتەر ايماعىنا بايلانىستى كارانتيندىك شەكتەۋلەردى السىرەتۋ ماسەلەسى قارالدى.

جاسىل ايماقتا-شەكتەۋسىز، سارى، قىزىل ايماقتاردا كارانتيندىك شەكتەۋلەردى تولىمدىلىقتى ارتتىرۋ بويىنشا جەڭىلدەتۋ جانە جۇمىس رەجيمى بويىنشا شەكتەۋلەردى الىپ تاستاۋ باعىتارى قارالدى. ۆيتسە-پرەمەر كارانتيندىك شەكتەۋلەردى الىپ تاستاۋ كاسىپكەرلەر تاراپىنان سانيتاريالىق تالاپتاردى مۇلتىكسىز ساقتاۋدى قامتاماسىز ەتۋ بويىنشا جاۋاپتى قادامداردى تالاپ ەتەتىنىن اتاپ ءوتتى.

پرەمەر-ءمينيستردىڭ ورىنباسارى COVID-19 ينفەكتسياسىنىڭ وتە جۇقپالى نۇسقاسى بولىپ تابىلاتىن «وميكرون» شتامىنىڭ تەز تارالۋىنا بايلانىستى قازىرگى قيىن جاعدايدا ۆاك ەپيدەميولوگيالىق جاعدايدى تۇزەتۋ ءۇشىن بارلىق رەسۋرستاردى جۇمىلدىرۋدى ۇسىنعانىن جانە باستى باسىمدىق حالىقتى ۆاكتسيناتسيالاۋ جانە رەۆاكتسيناتسيالاۋ ەكەنىن اتاپ ءوتتى.

كەڭەس سوڭىندا ەرالى توعجانوۆ اكىمدىكتەرگە ۆاكتسينالاۋ قارقىنىن كۇشەيتۋدى تاپسىردى، ول ءۇشىن مامليۋكە ۆاكتسينالاردىڭ جەتكىلىكتى سانىن ءبولدى.

سونىمەن قاتار جەرگىلىكتى جەرلەردە ۇكىمەت قابىلدايتىن ءىس-شارالاردىڭ ورىندالۋىن باقىلاۋعا ەرەكشە نازار اۋدارۋ قاجەتتىگىن اتاپ ءوتتى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار