بۇعان دەيىن ەكى سپورتشى الەۋمەتتىك جەلىلەر ارقىلى بىرنەشە مارتە سوزگە كەلىپ قالعان بولاتىن. ەڭ سوڭعى بولىپ جازبا قالدىرعان پەتر يان گەنري سەحۋدوعا باپكەرلىك قىزمەتتى تاستاپ, جالپى سپورتتان اۋلاق جۇرۋگە كەڭەس بەرگەن ەدى. ءوز كەزەگىندە سەحۋدونىڭ جاۋابى كوپ كۇتتىرگەن جوق.
«يان, سەن مەنىڭ ورالعانىمدى قالامايتىنىڭدى بىلەمىن. ويتكەنى مەن ارالاس جەكپە-جەك الەمىنە قايتا ورالسام, سەنى وڭاي جەڭەمىن. سوندىقتان دا سەن مەنىڭ ورالعانىما قارسىسىڭ. سەن مەن ءۇشىن وڭاي ولجاسىڭ», دەپ جازدى سەحۋدو تۆيتتەردە.
ەستەرىڭىزگە سالا كەتەيىك, امەريكالىق گەنري سەحۋدو كاسىبي مانسابىن اياقتاعان سوڭ جاقىندا عانا برازيليالىق دەيۆيسون فيگەيرەدۋدىڭ باپكەرى رەتىندە كوزگە تۇسكەن بولاتىن.
