الەم • 24 قاڭتار، 2022

«بەيجىڭ-2022»: 39 ادامنان COVID-19 تابىلدى

61 رەت كورسەتىلدى

«بەيجىڭ-2022» ۇيىمداستىرۋ كوميتەتى قىسقى وليمپيادا ويىندارىنا كەلگەندەر اراسىنان 39 ادامنىڭ كوروناۆيرۋس جۇقتىرعانىن ءمالىم ەتتى، دەپ حابارلايدى Egemen.kz.

 

«بەيجىڭ-2022» ۇيىمداستىرۋ كوميتەتىنىڭ قۇجاتىنا سايكەس، 4-22 قاڭتار ارالىعىندا قىتايعا 2586 دەلەگاتسيا مۇشەسى، سونىڭ ىشىندە 171 سپورتشى مەن رەسمي تۇلعا، سونداي-اق 2415 مۇددەلى تاراپ وكىلى كەلگەن.

تەستىلەۋ ناتيجەسىندە باسقا مۇددەلى تاراپ اراسىندا 39 ادامنىڭ اۋرۋ جۇقتىرعانى انىقتالدى.

اتلەتتەر مەن رەسمي تۇلعالار اراسىندا ەشكىم اۋىرماعان. جەكسەنبى كۇنى بەيجىڭدەگى ويىنداردىڭ وليمپيادا قالاشىعى العاشقى شەتەلدىك سپورت دەلەگاتسيالارىن قابىلداۋدى باستادى، سونىڭ ىشىندە – اقش، اۋستراليا، كانادا، فينليانديا جانە باسقا ەلدەر بار.

وليمپيادا قالاشىقتارىنىڭ رەسمي اشىلۋى 27 قاڭتاردا وتەدى. XXIV قىسقى وليمپيادا ويىندارى بەيجىڭدە 2022 جىلدىڭ 4-20 اقپانى ارالىعىندا، ال پاراليمپيادا ويىندارى – 4-13 ناۋرىز ارالىعىندا وتەدى.



 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار