الەم • 24 قاڭتار، 2022

پرەزيدەنتتىڭ وتباسى شەتەلگە كەتىپ قالعان

4241 رەت كورسەتىلدى

بۋركين-فاسو پرەزيدەنتى روك مارك كابورەنىڭ وتباسى اسكەريلەردىڭ كوتەرىلىسى كەزىندە ەلدەن شىعىپ كەتكەن دەپ حابارلايدى Egemen.kz ريا نوۆوستيگە سىلتەمە جاساپ.

ءبىرشاما ۋاقىت بۇرىن اسكەريلەر پرەزيدەنتتىڭ وتستاۆكاعا كەتۋىن تالاپ ەتكەنى تۋرالى  اقپارات تاراعان بولاتىن.

دەرەكتەرگە سەنسەك، پرەزيدەنتتىڭ ءوزى ارنايى كۇشتەردىڭ قورعاۋىندا كورىنەدى. كۋاگەرلەر اسسوشيەيتەد پرەسس اگەنتتىگىنە ەل استاناسى ۋاگادۋگۋداعى پرەزيدەنتتىڭ رەزيدەنتسياسىندا جەكسەنبى كۇنى كەشكە اتىس دىبىستارى ەستىلىپ، اسپاندا تىكۇشاقتار ۇشقانىن ايتتى.

بۇعان دەيىن پرەزيدەنت جارلىعىمەن بۇكىل ەل بويىنشا كومەندانتتىق ساعات ەنگىزگەن بولاتىن. كەيىنىرەك بۋركينا-فاسو ءبىلىم مينيسترلىگى دۇيسەنبىدە جانە سەيسەنبىدە ەلدەگى مەكتەپتەر قاۋىپتى جاعدايعا بايلانىستى جابىلاتىنىن حابارلادى. باتىس افريكا مەملەكەتتەرىنىڭ ەكونوميكالىق قاۋىمداستىعى (ECOWAS) اسكەريلەردى «رەسپۋبليكالىق پوزيتسيانى» ساقتاۋعا جانە بيلىكپەن ديالوگتى قولداۋعا شاقىردى.

بۇعان دەيىن RFI راديوستانتسياسى جەكسەنبى كۇنى تاڭەرتەڭ بۋركينا-فاسو استاناسىنداعى ەكى اسكەري لاگەردە وق اتىلعانىن حابارلاعان. جەرگىلىكتى باق كاي قالاسىنداعى اتىس تۋرالى اقپارات تاراتتى. ۇكىمەت ەلوردادا اتىس بولعانىن راستادى، بىراق اسكەردىڭ بيلىكتى باسىپ العانى تۋرالى مالىمەتتى جوققا شىعاردى.

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار