مەديتسينا • 24 قاڭتار، 2022

انتيبيوتيكتى ورىنسىز قولدانۋ قاۋىپتى

44 رەت كورسەتىلدى

2019 جىلى بۇكىل الەمدە انتيبيوتيككە ءتوزىمدى باكتەريالار تۋدىرعان ينفەكتسيالاردان 1،2 ميلليوننان استام ادام قايتىس بولدى. انتيبيوتيككە توزىمدىلىك ونى ورىنسىز كوپ قولدانعاننان پايدا بولادى.

بۇل بەزگەك نەمەسە جيتس-تەن بولعان ءولىم-ءجىتىمنىڭ ءبىر جىلدىق سانىنان دا كوپ. بۇل تۇرمىسى تومەن ەلدەردە جيىرەك كەزدەسكەنىمەن، ميكروبقا قارسى تۇراقتىلىق ءار ادامنىڭ دەنساۋلىعىنا قاۋىپ توندىرەدى.

ال دەنساۋلىق سالاسىنداعى بۇل ماسەلەمەن كۇرەسۋ ءۇشىن جاڭا ءدارى-دارمەكتەر شىعارۋ ىسىنە قاراجات سالىپ، بار دارىلەردى ورنىمەن پايدالانۋ ۇسىنىلىپ وتىر. سەبەبى سوڭعى جىلدارى ينفەكتسيا كەزىندە ادامدار انتيبيوتيكتەردى شامادان تىس قولدانۋ ارقىلى ولاردىڭ اۋىر ينفەكتسيالارعا قارسى تيىمدىلىگىن ازايتىپ جىبەرگەن.

وسىلايشا، ناۋقاستار ءجيى كەزدەسەتىن، ەمدەۋگە بولاتىن ينفەكتسيالاردان ءولىپ كەتىپ جاتىر، ويتكەنى ولاردى تۋدىراتىن باكتەريالار ادامزاتقا بەلگىلى ەم-دومعا ۇيرەنىسىپ، ابدەن ءتوزىمدى بولىپ العان.

جاقىندا ۇلىبريتانيانىڭ دەنساۋلىق ساقتاۋ سالاسىنىڭ قىزمەتكەرلەرى ەگەر انتيبيوتيكتەر ورنىمەن بەرىلمەسە، ميكروبقا قارسى تۇرۋ (AMR) COVID-19 ىندەتىنىڭ تاساسىندا «جاسىرىن جاتقان پاندەميا» دەپ ەسكەرتكەن.

Lancet جۋرنالىندا جاريالانعان زەرتتەۋ ۆا­شينگ­تون ۋنيۆەرسيتەتى (اقش) باستاعان حا­لىق­ارا­لىق زەرتتەۋشىلەر توبى جۇرگىزگەن 204 ەلدىڭ تالداۋىنا نەگىزدەلگەن. ولاردىڭ ايتۋىنشا، انتيبيوتيكتى ورىنسىز سالدىرا بەرگەن ادامداردىڭ اعزاسى قاراپايىم ينفەكتسيانىڭ ەمىنە بوي بەرمەي، قايتىس بولعان. 2019 جىلعى ەسەپ بويىنشا ءتۇرلى ىندەتتەن قايتىس بولعان بەس ميلليونعا جۋىق ادامنىڭ ولىمىنە وسى جاعداي اسەر ەتكەن بولۋى مۇمكىن. ال تىكەلەي وسى سەبەپتىڭ سالدارىنان 1،2 ميلليون ادام ومىرىمەن قوش ايتىسقان.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار