سپورت • 23 قاڭتار، 2022

فۋتزال: قازاقستان سلوۆەنيامەن تەڭ وينادى

41 رەت كورسەتىلدى

فۋتزالدان قازاقستان ۇلتتىق قۇراماسى نيدەرلاندتىڭ امستەردام جانە گرونينگەن قالالارىندا ءوتىپ جاتقان ەۋروپا چەمپيوناتىن تەڭ ناتيجەمەن باستادى. جەرلەس­تەرىمىز ۆ توبىنىڭ العاشقى تۋرىندا ەۋروپالىق رەيتينگتە 8-ورىندا تۇرعان سلوۆەنيا قۇراماسىمەن كەزدەستى.

جاسىراتىنى جوق، قازاق­ستان قۇراماسى بيىلعى ەۋروپا چەمپيوناتىنىڭ الدىندا ءبىر-قا­تار كادرلىق قيىندىققا تاپ بولدى. العاش ەلدەگى سايا­سي جاعدايعا بايلانىستى ۋكراي­نامەن جوسپارلانعان جولداستىق كەزدەسۋدى وتكىزە الماسا، تۋرنيرگە بىرنەشە كۇن قالعاندا باس باپكەر كاكا مەن نەگىزگى قۇرامنىڭ بىرنەشە ويىنشىسى كوروناۆيرۋس جۇقتىرىپ الىپ، چەمپيوناتتىڭ العاشقى ويى­نىنا قاتىسا المادى. ال جارا­قاتىنا بايلانىستى الەم بىرىنشىلىگىندە ۇلتتىق قۇراماعا كومەكتەسە الماعان لەو تاعى دا جات­تىعۋ بارىسىندا جاراقات الىپ، ەكى ايعا قاتاردان شىعىپ قال­دى. ءسويتىپ، جەرلەستەرىمىز ني­­­دەر­لاندقا باس باپكەرسىز جانە بىر­­نەشە ويىنشىسىز اتتان­دى.

وسى جاعدايدىڭ ءبارى سلو­ۆەنيامەن بولعان ويىندا كەرى اسەرىن تيگىزدى. جىگىتتەردە ويىن تا­جىريبەسى بولماعاندىقتان ماتچ بارىسىندا ءبىر-ءبىرىن تۇ­سىنبەي، دوپ بەرۋ ساتىندە ءجيى قا­تەلەستى. ءتىپتى كو­مان­دا كاپيتانى يگيتا دا وتە ناشار ويىن كورسەتتى. ال­عاشقى گول دا قاقپاشىنىڭ قاتەلىگىنەن كەيىن سوعىلدى. ابى­روي بولعاندا جەرلەستەرىمىز سلوۆەنيا قۇراماسىنان جەڭىلىپ جاتىپ، ماتچ سوڭىنا دەيىن تارازى باسىن تەڭەستىرىپ ۇلگەردى. قورىتىندى ەسەپ – 4:4. بۇل ماتچ­تا قازاقستان قۇراماسى ساپىنان جومارت توقاەۆ، ءبىرجان ورازوۆ جانە دۋگلاس (دۋبل) مەر­گەندىگىمەن كوزگە ءتۇستى.

ال توپتاعى ەكىنشى ويىندا فين­ليانديا مەن يتاليا قۇ­را­مالارى كەزدەسىپ، بۇل ماتچ­تا دا جەڭىمپاز كوماندا انىق­تال­مادى – 3:3. ۆ توبىنىڭ ءفا­ۆو­ريتى سانالعان «سكۋادرا اد­زۋر­رالىقتار» كۇتپەگەن جەردەن سكانديناۆيالىقتارمەن ۇپاي بولىسۋگە ءماجبۇر بولدى. ءتورت قۇراما دا ءبىر-بىرىمەن تەڭ وي­ناعاندىقتان، تۋرنير كەستەسىندە ازىرگە قازاقستان قۇ­را­ماسى ءبىرىنشى ورىندا كەلەدى. جەرلەستەرىمىز ەكىن­­­شى تۋردا فينليانديامەن كەز­دە­سەدى. بۇگىنگە دەيىن ەكى قۇرا­ما ءبىر-بىرىمەن مۇلدە جولىق­پاعان. قا­زىرگى تاڭدا سكاندي­ناۆيا­لىقتار رەي­تينگتە 13-ورىن­دا تۇر. ماتچ ەلور­دا ۋاقىتىمەن بۇگىن 01:30-دا باس­تالادى.

وزگە توپتاعى ناتيجەلەرگە توقتالار بولساق، ا توبىنىڭ ءبى­رىنشى تۋرىندا پورتۋگاليا سەر­بيادان 4:2 ەسەبىمەن باسىم تۇسسە، جارىس قوجايىندارى ني­دەرلاند ۋكراينانى 3:2 نا­تي­جەسىمەن جەڭدى. ال س توبىندا رەسەي 7:1 ەسەبىمەن سلوۆاكيانىڭ تاس-تالقانىن شىعارسا، حورۆاتيا پولشانى ۇتتى – 3:1. D توبىندا گرۋزيا ازەربايجاندى 3:2 ەسەبىمەن جەڭىپ، چەمپيوناتتىڭ سەنساتسيا­سىن تىركەدى. ال رەيتينگتە كوش باستاپ تۇرعان يسپانيا بوسنيا جانە گەرتسەگوۆينانى 5:1 ناتي­جەسىمەن قاپى قالدىردى.

سوڭعى جاڭالىقتار

ۇقساس جاڭالىقتار