پرەزيدەنت • 23 قاڭتار، 2022

اقپارات سالاسىنداعى وكىلەتتى ورگاندار جۇرتشىلىق ساۋالدارىنا جەدەل جاۋاپ بەرۋى ءتيىس – پرەزيدەنت

287 رەت كورسەتىلدى

مەملەكەت باسشىسى قاسىم-جومارت توقاەۆتىڭ توراعالىعىمەن پرەزيدەنت اكىمشىلىگى، قاۋىپسىزدىك كەڭەسى، باس پروكۋراتۋرا، ۇلتتىق قاۋىپسىزدىك كوميتەتى، قورعانىس جانە ىشكى ىستەر مينيسترلىكتەرى باسشىلارىنىڭ كەڭەسى كەزىندە حالىق وتىنىشتەرىنە جەدەل جاۋاپ بەرۋدى تاپسىردى، دەپ جازادى Egemen.kz.

قاسىم-جومارت توقاەۆ اقپارات سالاسىنداعى كۇشتىك قۇرىلىمدار مەن وكىلەتتى ورگاندار كۇش-جىگەرلەرىن ۇيلەستىرىپ، جۇرتشىلىق تاراپىنان تۇسەتىن ساۋالدارعا جەدەل جاۋاپ بەرۋگە ءتيىس.

مەملەكەت باسشىسى تۇرعىنداردىڭ جىل باسىنداعى قايعىلى وقيعالار كەزىندەگى  قازاسىنا قاتىستى ماسەلە بويىنشا باس پروكۋراتۋراعا جانە ىشكى ىستەر مينيسترلىگىنە ءاربىر جاعدايدى مۇقيات تەرگەپ-تەكسەرۋ جونىندە تاپسىرما بەردى.

– جۇرتشىلىقتىڭ بولعان وقيعالار جونىندە دولبار مەن قاۋەسەتكە نەگىزدەلگەن پىكىر قالىپتاستىرۋىنا جول بەرۋگە بولمايدى. ازاماتتار بيلىكتىڭ اشىقتىق پەن زاڭدىلىقتى قامتاماسىز ەتىپ وتىرعانىن كورۋگە ءتيىس، – دەدى مەملەكەت باسشىسى.

پرەزيدەنت اكىمشىلىگىنىڭ باسشىلىعىنا اتالعان ماسەلەنى باقىلاۋعا الۋ تاپسىرىلدى.

سوڭعى جاڭالىقتار

ۇقساس جاڭالىقتار