قازاقستان • 22 قاڭتار، 2022

قاڭتار وقيعاسى: كۇدىكتى 31 ادام ازاماتتىق اۋرۋحانادا ەمدەلىپ جاتىر

214 رەت كورسەتىلدى

بيىلعى قاڭتار ايىندا بولعان جاپپاي تارتىپسىزدىكتەر بارىسىندا پوليتسيا جانە اسكەري قىزمەتشىلەرمەن ەلدە ءتارتىپتى ورناتۋ بويىنشا اۋقىمدى وپەراتسيالار جۇرگىزدى، دەپ حابارلايدى Egemen.kz قر ءىىم قىلمىستىق-اتقارۋ جۇيەسى كوميتەتى رەسمي مالىمدەمەسىنە سۇيەنىپ.

قازىرگى ۋاقىتتا قۇقىق قورعاۋ ورگاندارى تەرگەۋ جۇرگىزىپ جاتىر. قابىلدانعان شارالاردىڭ ناتيجەسىندە سوتتاردىڭ شەشىمىمەن كۇدىكتى ادامدار قاماۋعا الىنعان.

«اتالعان ادامدار تەرگەۋ يزولياتورلارىنا قابىلدانعان كەزدە مىندەتتى تۇردە مەديتسينالىق تەكسەرۋدەن ءوتىپ، پتر-تەستىنىڭ تەرىس ناتيجەسىمەن قابىلدانادى.

دەنە جاراقاتتارى نەمەسە قانداي دا ءبىر اۋرۋلار انىقتالعان كەزدە ولارعا مىندەتتى تۇردە مەديتسينالىق كومەك كورسەتىلەدى جانە پروكۋراتۋراعا حابارلانادى»، دەدى قىلمىستىق-اتقارۋ جۇيەسى كوميتەتى توراعاسىنىڭ ورىنباسارى مەيرام ايۋباەۆ. 

ونىڭ ايتۋىنشا، مەكەمە ءتيىستى مەديتسينالىق كومەك كورسەتە الماعان جاعدايدا ولار ازاماتتىق اۋرۋحانالارعا جەتكىزىلەدى جانە ارنايى كۇزەتپەن ەمدەلەدى.

«بۇگىنگى تاڭدا مۇنداي 31 ادام بار، ولاردىڭ 29-ى الماتى قالاسىنىڭ اۋرۋحانالارىندا، ءبىر-بىرەۋدەن - قىزىلوردا جانە اتىراۋ قالالىق اۋرۋحانالاردا ەمدەلۋدە. ولار دەنە جاراقاتتارىن تەرگەۋ يزولياتورلارىنا كەلگەنگە دەيىن الدى. ءبىز ولاردى قاماۋعا العاندا انىقتاپ-تىركەدىك جانە پروكۋراتۋراعا حابارلادىق»، دەدى ءىىم قاج كوميتەتى توراعاسىنىڭ ورىنباسارى.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار