ايماقتار • 21 قاڭتار، 2022

مۇرات ايتەنوۆتىڭ تۇرعىندارمەن كەزدەسۋى جالعاسۋدا

40 رەت كورسەتىلدى

شىمكەنت قالاسى اكىمى مۇرات ايتەنوۆتىڭ اباي اۋدانىنداعى جۇمىس ساپارى جالعاسۋدا، دەپ حابارلايدى Egemen.kz شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

 اكىم «قۇرساي» شاعىن اۋدانىنىڭ تۇرعىندارىمەن كەزدەسىپ، ءاربىرىنىڭ سۇراعىنا ناقتى جاۋاپ بەردى. 

تۇرعىندار كوتەرگەن ماسەلەلەر قاتارىندا جارىق قوسۋ، اباتتاندىرۋ، الەۋمەتتىك نىساندار، جول سالۋ، ينجەنەرلىك جەلىلەر جۇرگىزۋ، كوگالداندىرۋ جانە ت.ب. ماسەلەلەر بار. سونىمەن بىرگە ولار ەلدى مەكەندى ودان ءارى دامىتۋ جونىندە ۇسىنىستار مەن يدەيالارىن دا ايتتى. 

الداعى ۋاقىتتا ەلدىمەكەن تۇرعىندارىمەن بەتپە-بەت تۇراقتى كەزدەسىپ تۇراتىنىن ايتقان قالا باسشىسى مۇنداي كەزدەسۋلەر حالىقتىڭ قاجەتتىلىكتەرى ەسكەرىلىپ، شاعىن اۋدانداردىڭ دامۋىنا وڭ ىقپال ەتەتىنىن جەتكىزدى. 

ۆ

كەزدەسۋدە ايتىلعان وتىنىشتەر مەن ساۋالدار بويىنشا قالا اكىمى اۋدان اكىمى مەن سالا جەتەكشىلەرىنە بىرقاتار ناقتى تاپسىرمالار بەردى. 

بۇگىندە «قۇرساي» شاعىن اۋدانىندا جانە 282، 283 ورامدا ينفراقۇرىلىم جۇيەلەرىمەن قامتۋ، اباتتاندىرۋ جۇمىستارى جۇرگىزىلۋدە.  شاعىن اۋداندا 1480 ءۇي (80%) اۋىز سۋمەن قامتىلعان. قازىرگى تاڭدا «رەگوليت» جشس شاعىن اۋداندا جانە 282، 283 ورامدا اۋىز سۋ جۇيەلەرىنىڭ قۇرىلىسىن جۇرگىزۋدە. قۇرىلىس جۇمىستارىن وسى جىلدىڭ ءتورتىنشى ماۋسىمىندا اياقتاۋ جوسپارلانۋدا. شاعىن اۋدانعا ەلەكتر جارىعى جانە تابيعي گاز تولىق جەتكىزىلگەن. 

ۆ

سونىمەن بىرگە قارناق كوشەسى مەن وسى كوشەنىڭ 4 تۇيىعىنا اسفالت توسەلەدى. جانە جەتى جار مەن ز.ساتقانباي ۇلى كوشەسى جارىقتاندىرىلادى. بيۋدجەت ەسەبىنەن 3 سپورت جانە بالالار الاڭشاسى سالىنادى. 2021 جىلى   ساپالى ينتەرنەتپەن قامتۋ ماقساتىندا بازالىق ستانتسيا ورناتىلدى.

سوڭعى جاڭالىقتار

ۇقساس جاڭالىقتار