ەكونوميكا • 21 قاڭتار، 2022

پرەزيدەنت ارتاراپتاندىرىلعان ەكونوميكانىڭ قۇرىلماۋ سەبەبىن ايتتى

1010 رەت كورسەتىلدى

قازاقستان رەسپۋبليكاسىنىڭ پرەزيدەنتى بيزنەس وكىلدەرىمەن كەزدەسۋىندە ارتاراپتاندىرىلعان ەكونوميكانىڭ قۇرىلماۋ سەبەبىن ايتتى، دەپ حابارلايدى Egemen.kz.

«وتكەنىمىزگە قاراساق، ءبىز ەكى ەكونوميكالىق بەتبۇرىستى شارتتى تۇردە اجىراتا الامىز. ءبىرىنشىسى – جوسپارلى ەكونوميكادان نارىقتىق ەكونوميكاعا كوشۋ. بۇل رەتتە ەلىمىز اۋىر كۇيزەلىستەر مەن جوعالتۋلارعا ۇشىراسا دا قاجەتتى رەفورمالاردى جۇرگىزە وتىرىپ، ورنىنان كوتەرىلە الدى. ەكونوميكا بەيىمدەلدى»، دەدى قاسىم-جومارت توقاەۆ. 

مەملەكەت باسشىسى وسىدان كەيىن وتاندىق كاسىپكەرلىكتىڭ جاڭا كلاسى دۇنيەگە كەلگەنىن ءسوز  ەتتى.

«ەكىنشى بەتبۇرىس 2000 جىلدارداعى تاۋار سۋپەرتسيكلىمەن بايلانىستى بولدى. ەكونوميكا جاھاندىق ۇدەرىستەرگە كىرىگۋگە مۇمكىندىك الدى. شەتەلدىك ينۆەستورلار ءۇشىن جاعداي جاسالدى. بۇل ەلگە، ەڭ الدىمەن، تاۋ-كەن ونەركاسىبى مەن بانك سەكتورىنا ءىرى قاراجاتتى تارتۋعا مۇمكىندىك بەردى. بۇل قارجىلار قازاق ەكونوميكاسىن نارلەندىرىپ، وعان تۇراقتىلىق بەرىپ، الەۋمەتتىك-باعدارلى مەملەكەت قۇرۋعا مۇمكىندىك جاسادى. ءبىز سىرتقى شيكىزاتتىق يگىلىكتىڭ ەل ىشىنە قارعىس بولىپ ەنگەنىن اڭعارماي قالدىق. ءبىز ترانسفورماتسيالاردا از ءموبيلدى بولا باستادىق، ساپالى قايتا قۇرۋلار وسىنداي وزگەرىستەرگە قارسى شىققان ءارتۇرلى توپتاردىڭ مۇددەلەرىنە تاپ بولدى. سالدارىنان ءبىز ارتاراپتاندىرىلعان ەكونوميكانى قۇرعان جوقپىز»، دەدى ول.

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار