«قازاقستاندا اقشا تاۋىپ ونى باسقا ءبىر ەلدە جۇمساۋ قاعيداتى بولماۋ كەرەك. ەلىمىزدىڭ قارجىسى شەتەلگە كەتپەۋى كەرەك. قاراجات شىنايى ەكونوميكاعا بارعانى ءجون. سول سەبەپتى بيزنەس جوبالاردى رەتتەۋ كەرەك. سونىمەن بىرگە بىزگە قارجىلىق رەسۋرستارىمىزدى بارىنشا پايدالانۋ ماڭىزدى بولىپ تۇر», دەدى پرەزيدەنت
مەملەكەت باسشىسى بۇل قايتا قۇرۋلاردى قارجىلاندىرۋ كەشەگى كەڭەستىك كەزەڭنەن قالعان مەملەكەتتىك م ۇلىكتى جەكەشەلەندىرۋ ارقىلى جۇزەگە اسىرىلعانىن قوستى.
«وسى نەگىزدە وتاندىق كاسىپكەرلىكتىڭ جاڭا كلاسى دۇنيەگە كەلدى. ەكىنشى بەتبۇرىس 2000 جىلدارداعى تاۋار سۋپەرتسيكلىمەن بايلانىستى بولدى. ەكونوميكا جاھاندىق ۇدەرىستەرگە كىرىگۋگە مۇمكىندىك الدى, شەتەلدىك ينۆەستورلار ءۇشىن جاعداي جاسالدى, بۇل ەلگە, ەڭ الدىمەن, تاۋ-كەن ونەركاسىبى مەن بانك سەكتورىنا ءىرى قاراجاتتى تارتۋعا مۇمكىندىك بەردى. بۇل قارجىلار قازاق ەكونوميكاسىن نارلەندىرىپ, وعان تۇراقتىلىق بەرىپ, الەۋمەتتىك-باعدارلى مەملەكەت قۇرۋعا مۇمكىندىك بەردى», دەدى مەملەكەت باسشىسى.
