ايماقتار • 20 قاڭتار، 2022

شىمكەنت اكىمى «ساۋلە» شاعىناۋدانىندا اتقارىلعان جۇمىستاردىڭ بارىسىن پىسىقتادى

58 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ ءال-فارابي اۋدانى «ساۋلە» شاعىناۋدانىنداعى №129 مەكتەپتە تۇرعىندارمەن كەزدەسىپ، ەلدى مەكەندەگى جانە 195، 276 ورامنىڭ ينفراقۇرىلىم جۇيەلەرىمەن قامتۋ جۇمىستارىنىڭ بارىسىن پىسىقتادى، دەپ حابارلايدى Egemen.kz.

«ساۋلە» شاعىناۋدانى ينجەنەرلىك-ينفراقۇرىلىممەن تولىق قامتىلعان. 26،1 شاقىرىم كوشەلەردىڭ 23،1 شاقىرىمى (88،5 %) اسفالتتانعان. 2021 جىلى كوكتوبە، ج.جاباەۆ كوشەسى جارىقتاندىرىلدى. ا

195 ورام دا ينجەنەرلىك جۇيەلەرمەن تولىق قامتاماسىز  ەتىلدى. ەلەكتر قۋاتىمەن قامتۋ جۇمىستارى 2019 جىلى،  اۋىز سۋ جۇيەلەرىنىڭ قۇرىلىسى 2020 جىلى اياقتالعان. 2021 جىلى گاز جۇيەلەرىنىڭ قۇرىلىسى تولىق ورىندالدى. 2022 جىلى ناۋرىز-ءساۋىر ايلارىندا اگرس №3 گاز تاراتۋ ستانتسياسى ىسكە قوسىلعان سوڭ ابونەنتتەرگە قوسۋ جۇمىستارى جۇرگىزىلەدى.

2021 جىلى 8 كوشەگە (3،4 شاقىرىم) تاس توسەلدى. 2022 جىلى اقجايقىن، قىزىلتاس، جالاۋلى، قاراعاندى جانە №1 كوشەلەرگە اسفالت توسەۋ جۇمىستارى قولعا الىنباق.

276 ورامدا ينجەنەرلىك جۇيەلەرمەن قامتۋ بويىنشا جوسپارلى جۇمىستار جۇرگىزىلۋدە. ەلدى مەكەنگە اۋىز سۋ تولىق جەتكىزىلگەن. ەلەكتر قۋاتىمەن قامتۋدا «اقسەمسەرسترويسەرۆيس» جشس تاراپىنان قۇرىلىس جۇمىستارىنىڭ 65 پايىزى ورىندالدى. 2022 جىلدىڭ قاراشا ايىندا تولىق اياقتاۋ جوسپارلانۋدا.

تابيعي گازبەن قامتۋ بويىنشا مەردىگەر «حمسۋ شىمكەنتمەليوراتسيا» جشس بيىل ءساۋىر ايىندا قۇرىلىس جۇمىستارىن باستايدى. جىل سوڭىنا دەيىن اياقتالادى دەپ كۇتىلۋدە. گاز جۇيەلەرىنىڭ ۇزىندىعى – 28 شاقىرىم. بيىل 14 كوشەگە (15 شاقىرىم) تاس توسەۋ جوسپارلانۋدا.

ايتا كەتسەك، بۇگىنگى تاڭدا ساۋلە شاعىناۋدانى تۇرعىندارىنا №32،43 مارشرۋتتار قىزمەت كورسەتۋدە. 195 ورام بويىنشا №16 اۆتوبۋس باعىتى تولە بي كوشەسىنە دەيىن تۇراقتى قاتىناۋدا.ا

قالا اكىمى كەزدەسۋدە جۇزەگە اسىرىلىپ جاتقان جۇمىستاردى جان-جاقتى ءتۇسىندىرىپ ءوتتى. حالىقتىڭ مۇڭ-مۇقتاجىن تىڭداپ، ساۋالدارىنا جاۋاپ بەردى. شاھار باسشىسى وسىلاي ءجيى كەزدەسىپ تۇرۋدىڭ جۇمىستىڭ جۇيەلى جۇرۋىنە پايداسى كوپ ەكەنىن ايتتى.  

جيىن سوڭىندا تۇرعىندار قالا اكىمىنە العىستارىن جەتكىزدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار