حالىق سەنىمىنە سىزات تۇسپەۋى كەرەك

شاعىمداردىڭ دەنى اد­ۆوكاتتاردىڭ قورعالۋ­شى­لارىنا كىرۋىنە شەكتەۋ قويۋ، ۇس­تال­عان­داردىڭ ورنالاسقان جەرى تۋرالى تۋىسقاندارىن حابار­دار ەتپەۋ، ۇستالعاننان كەيىنگى العاشقى ساعاتتاردا مەديتسينالىق كومەك كورسەتپەۋ نەمەسە نەگىزسىز ۇستاۋعا قاتىستى. ادام قۇقىقتارى جو­نىن­دەگى ۋاكىل ازاپتاۋ مەن قاتى­گەز­دىككە قاتىستى فاكتىلەرگە جول بەرىلمەۋگە ءتيىس ەكەنىن جەتكىزدى. ونىڭ ايتۋىنشا، بارلىق ارىز بەن شاعىم باس پروكۋراتۋرا مەن ىشكى ىستەر مينيسترلىگىنە جولدانادى.

«وسىعان وراي پروكۋراتۋرا قاتىگەزدىك تۋرالى بارلىق سيگ­نالداردى تەكسەرىپ، ولارعا قۇ­قىق­تىق باعا بەرىپ، ناتيجەلەرىن جا­ريالاۋى كەرەك»، دەگەن سپيكەر ادام ءومىرىنىڭ ەڭ جوعارى قۇن­دىلىق ەكەنىن تاعى ءبىر ەسكە سالىپ ءوتتى. «بۇل وزگەرمەيتىن اقيقات ەل كونستيتۋتسياسىنىڭ نەگىزى بولىپ تابىلادى»، دەدى ول.

«باس پروكۋراتۋرانىڭ حابار­لاۋىنشا، الماتى قالاسى پرو­كۋراتۋراسىنىڭ تەكسەرۋ ناتي­جە­­لەرىن ەسكەرە وتىرىپ، 71 ازاماتقا اكىمشىلىك جازا شارالارى جەڭىلدەتىلدى، 91 ازامات بوسا­­تىلدى. بۇل وتە ماڭىزدى، ويت­كەنى ەڭ باستىسى – حالىقتىڭ ادىلەت­تىلىك پەن زاڭدىلىققا دەگەن سەنىمى. ءبىز ىشكى ىستەر، دەنساۋلىق ساق­تاۋ مينيسترلىكتەرىنە، باس پرو­كۋراتۋراعا بارلىق قابىل­دانعان شارا تۋرالى باق-تا تولىققاندى حابارلاۋ تۋرا­لى ءوتىنىش بىلدىردىك. بارلىق ازا­ماتتىڭ اقپاراتقا قول جەتكىزۋ قۇقىعىن بارىنشا قامتاماسىز ەتۋ وتە ماڭىزدى. ءبىرىنشى كەزەكتە قىلمىستىق نەمەسە اكىمشىلىك سوت تورەلىگىنە ىلىككەن ادامدار تۋرالى ءسوز بولىپ وتىر. شەتەل ازاماتتارى ءۇشىن دە وسىنداي اقپارات قاجەت. سوندىقتان شەتەل ازاماتتارىن ۇستاۋ تۋرالى شەتەلدىك ديپلوماتيالىق وكىلدىكتەرگە دەرەۋ حابارلاۋ كەرەك»، دەدى ە.ءازىموۆا.

تارتىپسىزدىك بولعان كۇندەرى اقپارات جۇيەسىنىڭ زاقىمدالۋىنا بايلانىستى، الماتى مەن ەلوردادا ۇستالعان ازاماتتاردىڭ كوپ­شىلىگىنىڭ جەكە باسىن انىقتاۋدا ۋاقىتشا قيىندىق تۋىنداعان. سون­دىقتان كوبىنىڭ تۋىستارى ولار­دىڭ ۇستالعانى تۋرالى اقپا­راتتى كەش الدى. مۇنداي جاعداي مەديتسينالىق مەكەمەلەردە دە كوپتەپ تىركەلگەن.

بريفينگتە ە.ءازىموۆا سونداي-اق تارتىپسىزدىكتەر باستالعان ال­عاش­قى كۇندەردەن باستاپ تج رە­جىمى ەنگىزىلگەنگە دەيىن ىشكى ىس­تەر ورگاندارى تەك ولىم­گە اكەل­­مەيتىن قارۋ-جاراقتار قول­دان­عانىن اتاپ ءوتتى. «بۇل تۋرا­لى ءىىم جانە باس پروكۋراتۋرا بىر­نەشە رەت بريفينگتە ايتتى. قا­زىرگى ۋاقىتتا تارتىپ­سىزدىكتەر كە­زىندە ۇستاۋعا بايلا­نىستى ازا­مات­تاردىڭ شاعىم­دارىنا جەدەل دەن قويۋ ءۇشىن ءمي­نيستردىڭ نۇس­قاۋى بويىنشا ىشكى ىستەر مي­نيس­ترلىگى بارلىق اۋماق­تىق بولىم­شەلەرىندە جانە ورتا­لىق اپپا­راتتا حالىقپەن ۇزدىكسىز جۇ­مىس ىستەيتىن مونيتورينگتىك توپ­تار قۇرىلدى. وسىعان وراي، ءىىم-ءنىڭ 102 قىزمەتتەرى مەن ۆە­دوم­ستۆولىق سايتتارىندا قاي­عى­لى وقي­عالاردىڭ فوتوسۋرەتى مەن بەينەماتەريالدارى انونيمدىك تۇردە قابىلدانادى»، دەدى سپيكەر.

ادام قۇقىقتارى جونىندەگى ۋاكىل ەلدەگى بەيبىتشىلىك پەن تىنىشتىق، ءتارتىپ پەن زاڭدىلىق زاڭ شىعارۋشى جانە اتقارۋشى بيلىككە عانا ەمەس، قازاقستاننىڭ ءاربىر ازاماتىنا دا بايلانىس­تى ەكەنىنە باسا نازار اۋداردى. «بۇل ازاماتتىق جاۋاپكەرشىلىك. بولعان وقيعا ارقايسىمىز ءۇشىن ساباق بولۋعا ءتيىس»، دەدى ول.

«تەرروريستەر، توناۋشى­لار مەن بەيبىت ميتينگكە قاتىس­قان­دار انىقتالۋى كەرەك. وكى­نىش­كە قاراي، ءبىز ۋاقىتشا ۇستاۋ يزوليا­تورلارىنا بارىپ، تۇتقىن­دال­عان­دارمەن سۇحباتتاس­قاندا، ولار ءوز ازاماتتىق جاۋاپ­كەرشىلىگىن تو­لىق سەزىنبەگەنىن، قا­زاقستان حال­قى­نان كەشىرىم سۇراۋعا دايىن ەكەن­دىكتەرىن ايتتى. كوبى ۇرلىق ءۇشىن ۇستالعان. وسى سەبەپتى ولارعا نازار اۋدارۋ كەرەك. بۇل باس پروكۋ­راتۋرا مەن جەرگىلىكتى اۋ­ماق­تىق پروكۋراتۋرالاردىڭ مىن­­دەتى»، دەگەن ادام قۇقىقتارى جو­­­نىندەگى ۋاكىل ازاماتتىق قوعام وكىل­دەرىمەن بىرگە ۇستالعاندار ورنا­لاسقان مەكەمەلەرگە بارۋدى جال­عاستىراتىنىن دا حابارلادى. بىر­نەشە كۇننىڭ ىشىندە ولار 11 وڭىر­دەگى وسىنداي 34 مەكەمەدە بولعان.