ەلوردا • 19 قاڭتار، 2022

ازىق-ت ۇلىك باعاسىن كوتەرگەن دۇكەندەرگە شارا قولدانىلدى

55 رەت كورسەتىلدى

ەلوردادا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ ءۇشىن كۇن سايىن مونيتورينگ جۇرگىزىلەدى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

وسىلايشا، بيزنەستىڭ 8 سۋبەكتىسىنىڭ قىزمەتىندە ساۋدا ۇستەمەسىنەن اسىپ كەتۋ بەلگىلەرى انىقتالدى. اكىمدىك اتالعان بيزنەس سۋبەكتىلەرىن جاۋاپكەرشىلىككە تارتۋ بويىنشا جۇمىس جۇرگىزدى جانە «ەسكەرتۋ» تۇرىندە ۇيعارىمدار شىعاردى.

سونداي-اق 4 دۇكەنگە قاتىستى باعانى كوتەرۋ بويىنشا اكىمشىلىك شارالار قابىلداندى. ولار: «ەليت ەت» دۇكەندەرى (قوناەۆ كوشەسى، 14)، «التاي» (سىرىم باتىر كوشەسى)، ەت دۇكەنى (تىلەنديەۆ داڭعىلى، 36) جانە «جاستار» ءسۇ (كراۆتسوۆ كوشەسى، 6).

بۇگىنگى كۇنى اكىمدىك الەۋمەتتىك ماڭىزى بار ازىق-ت ۇلىك ونىمدەرىنە شەكتى ساۋدا ۇستەمەسىن ساقتاۋ بويىنشا ارنايى قاتىناپ كاسىپتىك باقىلاۋ جانە قاداعالاۋ جۇرگىزۋ ءۇشىن ساۋدا وبەكتىلەرىنىڭ جارتىجىلدىق تىزىمدەرىن قالىپتاستىردى.

بۇل شارالار نارىقتاعى جاعدايعا جۇيەلى تالداۋ جاساۋعا جانە باعانىڭ ءوسۋىن تەجەۋ ءۇشىن ءتيىستى شارالاردى ۋاقتىلى قابىلداۋعا مۇمكىندىك بەرەدى. باعا كوتەرىلگەن جاعدايدا كاسىپكەرلەرگە ەڭ قاتاڭ شارالار قولدانىلاتىن بولادى.

ەگەر ازاماتتاردا باعانىڭ وسۋىنە قاتىستى اقپارات بولسا (ساۋدا نىسانىنىڭ مەكەنجايى، تاۋار ماركاسى جانە باعاسى كورسەتىلگەن) نۇر-سۇلتان قالاسىنىڭ اكىمدىگىنە، تەل.: 55-68-99، 55-69-78، 55-68-08، نەمەسە باسەكەلەستىكتى قورعاۋ جانە دامىتۋ اگەنتتىگىنىڭ «جەدەل جەلى» تەلەفوندارىنا قوڭىراۋ شالۋ كەرەك: 8 (7172) 75-04-65، 74-27-38، 65-16-86، 8 778 668 1841، 8 775 592 6169، 8 701 800 39 38، 8 705 424 36 84.

ەستەرىڭىزگە سالا كەتەيىك، الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن ۇستاپ تۇرۋ ءۇشىن نۇر-سۇلتان قالاسىنىڭ اكىمدىگى بىرقاتار شارالار قابىلدادى. «اينالىم تەتىگى» اياسىندا 2020-2021 جىلدارى كاسىپكەرلىك سۋبەكتىلەرىنە 8،6 ملرد تەڭگە ءبولىندى. 30 مىڭ توننادان استام ازىق-ت ۇلىك تاۋارلارىنا كەلىسىمشارت جاسالدى.

سونداي-اق الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ قۇرالدارىنىڭ ءبىرى رەتىندە اۋىل شارۋاشىلىعى جارمەڭكەلەرى وتكىزىلەدى. ال وتكەن جىلدىڭ جەلتوقسان ايىنان باستاپ پريگورودنىي شاعىن اۋدانىندا (ارناساي كوشەسى، 109) جىل بويى وتەتىن جارمەڭكەلەر ۇيىمداستىرىلىپ كەلەدى. جارمەڭكەگە 5 ءوڭىردىڭ (اقمولا، شىعىس قازاقستان، قاراعاندى، قوستاناي، پاۆلودار وبلىستارى) وندىرۋشىلەرى قاتىسۋدا.

سونىمەن قاتار جەكە ينۆەستيتسيالار ەسەبىنەن قالادا ازىق-ت ۇلىك قاۋىپسىزدىگىن قامتاماسىز ەتۋگە، نارىقتى جەرگىلىكتى تاۋارمەن قامتاماسىز ەتۋگە مۇمكىندىك بەرەتىن بىرقاتار وبەكتىلەردىڭ قۇرىلىسى جۇرگىزىلۋدە: 3 كوتەرمە تاراتۋ ورتالىعى، 2 جىلىجاي كەشەنى، نان-توقاش كومبيناتى. بۇدان باسقا، نان-توقاش كومبيناتى، ءسۇت وڭدەۋ زاۋىتى، كوكونىس قويماسى كىرەتىن وندىرىستىك-تاماق كەشەنىنىڭ قۇرىلىسى جۇرگىزىلۋدە.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار