بۇل تۋرالى دەپۋتات قانات نۇروۆ فەيسبۋكتەگى پاراقشاسىندا مالىمدەگەن.
«اۋەلى تۇڭعىش پرەزيدەنتتىڭ قازاقستان حالقى اسسامبلەياسى مەن قاۋىپسىزدىك كەڭەسىندەگى ءومىر بويى توراعالىعىن الىپ تاستاۋ كەرەك بولدى. بۇنى ءبىز بۇگىن اتقاردىق. ءماجىلىستىڭ بۇل تاريحي شەشىمىنە دەپۋتاتتار اتسالىستى», دەلىنگەن دەپۋتاتتىڭ جازباسىندا.
دەپۋتاتتىڭ سوزىنە سەنسەك, «قر تۇڭعىش پرەزيدەنتى – ەلباسى», «قازاقستان حالقى اسسامبلەياسى تۋرالى» جانە «قازاقستان رەسپۋبليكاسىنىڭ قاۋىپسىزدىك كەڭەسى تۋرالى» كونستيتۋتسيالىق زاڭدارعا قاجەت بارلىق تۇزەتۋ ەندى سەناتقا جىبەرىلەدى. سەبەبى قحا مەن قاۋىپسىزدىك كەڭەسىنە توراعالىق ەتۋ تۇلعاسى بويىنشا ەمەس, لاۋازىمى بويىنشا زاڭدى تۇردە قر پرەزيدەنتىنە تيەسىلى.
ەستەرىڭىزگە سالا كەتەيىك, قاۋىپسىزدىك كەڭەسى توراعاسى قىزمەتىن 5 قاڭتاردان باستاپ پرەزيدەنت قاسىم - جومارت توقاەۆ اتقارۋدا.
