ب. امىرەەۆ يىۇ باس حاتشىسى لاۋازىمىنا تاعايىندالۋىنا بايلانىستى حيسسەين براحيما تاحاعا ءوزىنىڭ شىنايى قۇتتىقتاۋىن جانە يسلام الەمىنىڭ وسى اسا جوعارى ديپلوماتيالىق مانسابىنداعى جۇمىسىنا زور تابىس تىلەدى.
يىۇ باس حاتشىسى تمۇ باس حاتشىسىنا ءىلتيپاتىن ءبىلدىرىپ, ونىڭ يىۇ شتاب-پاتەرىنە وسى ساپارى ەكى باۋىرلاس ۇيىم اراسىنداعى قارىم-قاتىناستى ودان ءارى نىعايتۋعا ىقپال ەتەتىنىنە سەنىم ءبىلدىردى.
حيسسەين براحيم تاحا مەن باعداد امىرەەۆ ءوز ۇيىمدارىنىڭ قازىرگى كۇن ءتارتىبى تۋرالى پىكىر الماسىپ,يسلام الەمىندەگى بەيبىتشىلىكتى, تۇراقتىلىقتى جانە دامۋدى نىعايتۋ ماقساتىندا كەڭەيتىلگەن سەرىكتەستىك ورناتا الاتىنىن اتاپ ءوتتى.
تۇركى مەملەكەتتەرىنىڭ ۇيىمىنىڭ بارلىق مۇشەلەرى ءبىر مەزگىلدە يسلام ىنتىماقتاستىق ۇيىمىنىڭ دا بەلسەندى مۇشەلەرى بولىپ تابىلاتىنىن نازارعا الا وتىرىپ, ح. ي. تاحا مەن ب. امىرەەۆ ەكى ۇيىمنىڭ كەڭ اۋقىمدى ىقپالداستىق ورناتا وتىرىپ, ەۋرازيا قۇرلىعىندا, يسلام الەمىندە, ەۋروپادا, اسىرەسە, ورتالىق ازيا مەن كاۆكازدا ايماقتارىندا حالىقارالىق ىنتىماقتاستىقتى دامىتۋعا بىرلەسىپ ات سالىسا الاتىنىن اتاپ ءوتتى.
تمۇ جانە يىۇ باسشىلارى ەكى ۇيىم اراسىنداعى ىنتىماقتاستىقتىڭ دەڭگەيىن ارتتىرۋ قاجەتتىگىن اتاپ ءوتىپ, ءوزارا قاتىناستاردىڭ قۇقىقتىق بازاسىن نىعايتۋ جونىندە شارالار قابىلداۋعا ۋاعدالاستى.
سونداي-اق, تاراپتار ءوزارا قىزىعۋشىلىق تۋدىراتىن بىرقاتار حالىقارالىق, يسلامدىق جانە وڭىرلىك ماسەلەلەر بويىنشا پىكىر الماستى.
