بۇل تۋرالى ريا نوۆوستي ءمالىم ەتتى.
«بورتتا بىتىمگەرلەرى بار رەسەيدىڭ اسكەري-كولىك اۆياتسياسىنىڭ ءتورت ۇشاعى قازاقستاننىڭ نۇر-سۇلتان جانە الماتى اۋەجايلارىنان ۇشىپ شىقتى», دەلىنگەن حابارلامادا.
وسى ءتورت ۇشاقپەن گەنەرال-پولكوۆنيك اندرەي سەرديۋكوۆ باستاعان بىتىمگەرلەردىڭ سوڭعى بولىمشەلەرى مەن بىتىمگەرشىلىك كونتينگەنتىنىڭ قولباسشىلىعى ۇيلەرىنە ورالعان.
بۇعان دەيىن رەسەيدىڭ اسكەري-كولىك اۆياتسياسىنىڭ ۇشاقتارىمەن ارمەنيا, بەلارۋس, تاجىكستاننىڭ بىتىمگەرشىلىك كونتينگەنتتەرى ۇيلەرىنە قايتقان.
قىرعىزستاننان كەلگەن بىتىمگەرلەر شتاتتىق تەحنيكا مەن قارۋ-جاراقپەن كولوننا قۇرامىندا شەرۋ جاساپ ورالدى.
