قازاقستان • 19 قاڭتار، 2022

تالىمگەر ۇستاز، بىلىكتى باسشى ەدى...

262 رەت كورسەتىلدى

بىلتىر 4 قاراشادا «Egemen Qazaqstan» گازەتىندە ەلورداداعى قايىم مۇحامەدحانوۆ اتىنداعى №90 مەكتەپتە اشىلعان قازاق ءتىلى كابينەتىنە ءومىرىنىڭ سوڭعى كەزەڭىندە وسى وقۋ ورنىنىڭ باسشىسى بولعان ەربول ىرگەباي ەسىمى بەرىلگەنى تۋرالى جازىلدى. بۇل – كۇنى كەشە عانا ورتالارىندا جۇرگەن، از عۇمىرىندا وشپەيتىن ۇلگى-ونەگەسىن قالدىرعان ارداقتى ازاماتقا مەكتەپ ۇجىمى كورسەتكەن لايىقتى قۇرمەت ەدى.

ەربول ىرگەباي 1962 جىلى 5 قىركۇيەكتە شىعىس قازاقستان وبلىسى اياگوز اۋدانىنىڭ تارباعاتاي اۋىلىندا مۇعالىمدەر وتباسىندا دۇنيەگە كەلدى. اكەسى ءىسلام مۇقا­تاي ۇلى كوپ جىلدار مەكتەپ ديرەكتورى، اۋىلدىق كەڭەستىڭ توراعاسى بولىپ قىزمەت اتقارسا، اناسى لينا سليامبايقىزى دا مۇعالىم بولعان. ەربول ءىسلام ۇلى – ءۇيدىڭ تۇڭعىشى.

ەسىمىنىڭ ەربول قويىلۋى دا تەگىن ەمەس. اجەسى جامال نەمە­رەسىن ەل ءۇشىن تۋعان ەر بولسىن دەپ ىرىم­داعان ەكەن. ەربولدىڭ بالالىق شاعى تارباعاتاي بوكتەرىندەگى ءۇرجار اۋدانىنىڭ تاسبۇلاق اۋىلىندا وتەدى. جاستايىنان قاعىلەز، زەرەك، اقىلدى بولىپ وسەدى. «ۇيا­دا نە كورسەڭ، ۇشقاندا سونى ىلەر­سىڭ» دەگەندەي، اتا مەن اجەنىڭ ونەگەسىن، اكەسى مەن اناسىنىڭ ۇستاز­دىق ۇلاعاتىن كورىپ وسكەن ەربول سول جولدى تاڭدايدى. 1979 جىلى سەمەيدەگى پەداگوگيكالىق ينستيتۋتقا وقۋعا ءتۇسىپ، 1983 جىلى قازاق ءتىلى مەن ادەبيەتى ءپانى مۇعالىمى ماماندىعى بويىن­شا ءبىتىرىپ شىعادى. وقۋدى بىتىر­گەننەن كەيىن ءوزى وسكەن اۋىلعا با­رىپ، ەڭبەك جولىن تاسبۇلاق ورتا مەك­تەبىندە باستايدى. ءۇرجار اۋدانىنىڭ لايبۇلاق، قاراقول مەكتەپتەرىندە ديرەكتور بولدى. تاۋەلسىزدىكتىڭ العاشقى تاڭىنداعى قيىندىقتار كەزىندە قاراقول اۋىلدىق وكرۋگىنىڭ توراعاسى قىزمەتىن دە ابىرويمەن اتقارادى.

2000 جىلى ارقاعا بەت بۇرىپ، ەلورداعا قونىس اۋدارادى. قالا­داعى №11 حيميا-بيولوگيا لي­تسەيىنە ديرەكتوردىڭ تاربيە ءىسى جونىندەگى ورىنباسارى جانە قازاق ءتىلى مەن ادەبيەتى ءپانىنىڭ مۇعالىمى قىزمەتىندە ءجۇرىپ، استانالىق ءبىلىم سالاسىنداعى ارىپتەستەرىنە وزىق وي-ۇسىنىستارىمەن تەز تانىلادى. كوپ ۇزاماي قالاداعى №40 ورتا مەكتەپكە ديرەكتور بولىپ تاعايىندالادى. مەكتەپتىڭ الكەي مارعۇلان ەسىمىمەن اتالۋىنا ءوزى سەبەپكەر بولىپ، وسى شاڭى­راقتا 13 جىل تىنىمسىز ەڭ­بەگىمەن ابىروي-مەرەيى وسە­دى. ءبىلىم بەرۋ جولىنداعى قىز­مەتىن عىلىمي ىزدەنىسپەن ۇشتاس­تىرادى. عالىم تۇرسىن جۇرت­باي­دىڭ باسشىلىعىمەن ابايتانۋشى عالىم-ۇستازى قايىم مۇحا­مەدحان ۇلى مۇراسىنىڭ زەرتتەلۋىنە دەن قويادى. «كىتاپ تاعدىرى – قوعام تاعدىرى» جۋرنالىندا جازعان ماقالاسىندا عىلىمي ىزدەنىسىن ەگجەي-تەگجەيلى باياندايدى. 2018 جىلى ەلوردانىڭ وقۋشىلار سارايىنا ديرەكتورلىققا تاعايىن­دالادى. مۇندا دا تىنىمسىز جۇمىستاردى اتقارا ءجۇرىپ، 2019 جىلى ورتالىققا ءال-ءفارابيدىڭ ەسىمى بەرىلۋىنە سىڭىرگەن ەڭبەگى جاندى.

2020 جىلى ەربول ىرگەباي نۇر-سۇلتان قالاسىنداعى جاڭا №90 گيمنازياعا ديرەكتور بولىپ تاعايىندالادى. ءومىرىنىڭ سوڭعى ساتىنە دەيىن وسى مەكتەپتىڭ مازمۇنى مەن ءمانىن ۇلتتىق نا­قىشتا قۇرۋدى ويلاپ، ونىڭ تۇجى­رىمداماسىن جاساپ، مەكتەپ ءىشىن ۇلتتىق قۇندىلىقتار نە­گىزىندە بەزەندىرۋگە ەرەكشە ءمان بەرىپ، پە­داگوگيكالىق شەبەر­حاناسىن قا­لىپتاستىرۋعا ۇم­تىل­دى. بۇل ءبىلىم ورداسىنا عا­لىم قايىم مۇحا­مەدحانوۆتىڭ ەسىمىن بەرۋ ءۇشىن دە ايانباي ەڭبەك­تەنەدى. كوزى تىرىسىندە بۇل ۇسى­نىسىن نۇر-سۇلتان قالا­سىنىڭ ونوماستيكالىق كوميسسياسى بەكىتتى. №90 گيمنازياعا قايىم مۇحامەدحانوۆتىڭ ەسىمى بە­رىل­دى. ءومىرىنىڭ ءار ءساتىن سانالى ۇر­پاق تاربيەلەۋگە ارناعان ەر­بول ءىسلام ۇلى ءال-فارابي، اباي قۇ­نانباي ۇلى، احمەت بايتۇر­سىن ۇلى، الكەي مارعۇلان، قايىم مۇحامەدحانوۆ سىندى الاشتىڭ ءىرى قاي­راتكەرلەرىنىڭ ءىلىمىن ۇلگى تۇتتى. ۇستازدىق پەن عىلىم جولىندا قاتار ىزدەنىپ، ەل ەرتەڭى ءۇشىن ەڭبەك ەتتى.

ەربول ءىسلام ۇلى – ۇلاعاتتى ۇستاز، ابايتانۋشى، قايىمتانۋشى عالىم. ول ء«بىلىم بەرۋ ءىسىنىڭ قۇر­مەتتى قىزمەتكەرى»، «ەرەن ەڭ­بەگى ءۇشىن» مەدالىنىڭ، «قازاقستان رەس­پۋب­ليكاسى تاۋەلسىزدىگىنىڭ 20 جىل­­دىعى»، ء«تىل جاناشىرى» توس­بەل­گىلەرىنىڭ يەگەرى جانە «حا­لىق سۇيىكتىسى» رەسپۋبليكالىق باي­قاۋى­نىڭ جەڭىمپازى اتاندى.

ەربول ىرگەباي ناعىز پاتريوت، انا ءتىلىنىڭ جاناشىرى بولدى. 2021 جىلدىڭ 5 اقپانىندا ماڭگىلىك ساپارعا اتتاندى. حالقىنا ايانباي ەڭبەك ەتكەن، ۇستازدىق قىزمەتىن ادال اتقارعان، ۇرپاق ساناسىنا ءبىلىم ءنارىن ەككەن، عىلىم جولىن­دا تالماي ىزدەنگەن ەربول ءىسلام­ ۇلىنىڭ ەسىمى جۇرت جادىندا جاڭ­عىرىپ تۇرارى انىق.

 

سايراش ابىشقىزى،

قازاقستاننىڭ ەڭبەك سىڭىرگەن قايراتكەرى، ءبىلىم بەرۋ ءىسىنىڭ قۇرمەتتى قىزمەتكەرى

ءنازيلا مۇقاتايقىزى،

پەداگوگيكا عىلىمدارىنىڭ كانديداتى

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار