«2022 جىلعى 1 اقپانعا دەيىن مەملەكەتتىك كىرىستەر ورگاندارى باستاعان جانە ۇيىمداستىراتىن سالىقتىق جانە كەدەندىك تەكسەرۋلەردى, سونىمەن بىرگە تاۋارلار شىققاننان كەيىنگى كەدەندىك جانە باسقا قۇجاتتار مەن مالىمەتتەردى تەكسەرۋلەر ۋاقىتشا توقتاتىلدى», دەلىنگەن حابارلامادا.
وسىلايشا, 1 اقپانعا دەيىن مەملەكەتتىك كىرىستەر ورگاندارى باستاعان بارلىق تەكسەرۋلەر توقتاتىلادى. سونىمەن بىرگە اتالعان مەرزىمگە دەيىن مەملەكەتتىك كىرىستەر ورگاندارى جاڭا تەكسەرۋلەردى تاعايىندامايدى. الايدا, مۇنىڭ كاسىپكەرلىك سۋبەكتىلەرىنىڭ ءوتىنىشى بويىنشا قۇقىق قورعاۋ ورگاندارى تاعايىندايتىن تەكسەرۋلەرگە قاتىسى جوق.
«سونداي-اق 2022 جىلعى 1 اقپانعا دەيىن مەملەكەتتىك كىرىستەر ورگاندارى كامەرالدىق باقىلاۋ جۇرگىزۋدى, سونداي-اق ونىڭ ناتيجەلەرى بويىنشا كامەرالدىق باقىلاۋ بويىنشا حابارلامالار مەن سالىق زاڭناماسىن بۇزۋشىلىقتاردى جويۋ تۋرالى حابارلامالاردى قالىپتاستىرۋدى ۋاقىتشا توقتاتتى», دەدى مەملەكەتتىك كىرىستەر كوميتەتىنەن.
