ەكونوميكا • 18 قاڭتار، 2022

«بايتەرەك» حولدينگى مەملەكەتكە 100 ملن تەڭگەگە جۋىق زيان كەلتىرگەن

76 رەت كورسەتىلدى

بۇل تۋرالى ەسەپ كوميتەتىنىڭ ءباسپاسوز قىزمەتى مالىمدەدى. 2020 جىلعى ناۋرىزدا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى رەسپۋبليكالىق بيۋدجەت قاراجاتىن جانە «بايتەرەك» ۇلتتىق باسقارۋشى حولدينگى» اق-نىڭ كۆازيمەملەكەتتىك سەكتور اكتيۆتەرىن پايدالانۋ تيىمدىلىگىنە مەملەكەتتىك اۋديت جۇرگىزدى، دەپ جازادى Egemen.kz.

«وسى اۋديتورلىق ءىس-شارا بارىسىندا جالپى سوماسى 98 961،2 ملن تەڭگەگە بيۋدجەت قاراجاتىن جانە مەملەكەت اكتيۆتەرىن ءتيىمسىز پايدالانۋ تۇرىندەگى بۇزۋشىلىقتار مەن كەمشىلىكتەر، سونداي-اق كۆازيمەملەكەتتىك سەكتوردىڭ جەكەلەگەن سۋبەكتىلەرىمەن سالىستىرعاندا حولدينگتىڭ ەنشىلەس ۇيىمدارىنىڭ فۋنكتسيالارى مەن مىندەتتەرىنىڭ قايتالانۋى انىقتالدى. وسىعان بايلانىستى، قازاقستان رەسپۋبليكاسىنىڭ ۇكىمەتىنە ۇسىنىس جاسالدى»، دەلىنگەن حابارلامادا.

وندا: 

- حولدينگ قىزمەتىنىڭ تيىمدىلىگىن ارتتىرۋ، مەملەكەتتىك م ۇلىك سياقتى حولدينگ اكتيۆتەرىن پارمەندى باسقارۋدى ۇيىمداستىرۋ، بولىنەتىن بيۋدجەت قاراجاتىن جانە قازاقستان رەسپۋبليكاسىنىڭ ۇلتتىق قورى قاراجاتىن پايدالانۋدى باقىلاۋ، ولاردى پايدالانۋ بويىنشا شارالاردى ازىرلەۋ جانە جۇزەگە اسىرۋ، مەملەكەتتىك مەنشىك قۇقىعىن قورعاۋدى قامتاماسىز ەتۋ بويىنشا شارالاردى قابىلداۋ; 

- «Kazakhstan Project Preparation Fund» جشس، «قازاقستاننىڭ ينۆەستيتسيالىق قورى» اق، قارجى مينيسترلىگىنىڭ جانىنداعى «پروبلەمالىق كرەديتتەر قورى» اق، يندۋستريا جانە ينفراقۇرىلىمدىق دامۋ مينيسترلىگىنىڭ جانىنداعى «QazIndustry» قازاقستاندىق يندۋستريا جانە ەكسپورت ورتالىعى» اق ەنشىلەس ۇيىمدارى فۋنكتسيالارىنىڭ قايتالانۋىن بولدىرماۋ ماقساتىندا جالپىۇلتتىق جوسپاردىڭ 29-تارماعى بويىنشا تالداۋدى ەسكەرە وتىرىپ، حولدينگ كومپانيالارى توبىنىڭ ترانسفورماتسياسىن جۇرگىزۋدىڭ ورىندىلىعى ماسەلەسىن قاراۋ ۇسىنىلدى. 

ەسەپ كوميتەتىنىڭ ۇسىنىمدارىن ورىنداۋ ءۇشىن 2021 جىلعى قاراشادا ەلدەگى جاعداي مەن ىشكى جانە سىرتقى ساياساتتىڭ نەگىزگى باعىتتارى تۋرالى مەملەكەت باسشىسىنىڭ جولداۋلارىن ىسكە اسىرۋعا، مەملەكەتتىك جوسپارلاۋ جۇيەسىنىڭ قۇجاتتارىنا ەنگىزىلگەن وزگەرىستەرگە باعدارلانعان حولدينگتىڭ 2014 – 2023 جىلدارعا ارنالعان دامۋ ستراتەگياسى قارالدى.

حولدينگتىڭ ەنشىلەس ۇيىمدارىنىڭ سانىن قىسقارتۋ ماقساتىندا «QazTech Ventures» اق جانە «Kazakhstan Project Preparation Fund» جشس اكتيۆتەرى  جەكە قورلار رەتىندە «قازىنا كاپيتال مەنەدجمەنت» اق-نا باسقارۋعا بەرىلدى.

«مەملەكەتتىك م ۇلىك ءتىزىلىمى» سايتى ارقىلى باعانى كوتەرۋ تاسىلىمەن وتكىزىلگەن ەلەكتروندىق ساۋدا قورىتىندىلارى بويىنشا «قيق» اق اكتسيالارىنىڭ ءجۇز پايىزىن جەكە ينۆەستور ساتىپ الدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار