ايماقتار • 18 قاڭتار، 2022

شىمكەنت اكىمى اباي اۋدانىنىڭ تۇرعىندارىمەن كەزدەستى

83 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ اباي اۋدانىنىڭ ينفراقۇرىلىممەن قامتىلۋ جاعدايىمەن تانىسىپ، ونداعى ەلدىمەكەن تۇرعىندارىمەن كەزدەستى، دەپ حابارلايدى Egemen.kz شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

تۇركىستان وبلىسىنان اباي اۋدانى اۋماعىنا 37 مىڭنان استام حالقى بار 10 ەلدى مەكەن قوسىلىپ، ونداعى ەلدى مەكەندەردىڭ ينفراقۇرىلىمدىق ماسەلەلەرىن شەشۋ بويىنشا ءتيىستى جۇمىستار اتقارىلىپ كەلەدى.

 

13 

 

سونىڭ ءبىرى - التىنتوبە تۇرعىن الابى. بۇل ەلدىمەكەن 2015 جىلى ساپالى اۋىز سۋمەن تولىق قامتىلعان. ال، وتكەن جىلى 8،1 شاقىرىم بولاتىن گاز جۇيەسى تارتىلدى. وسى جىلى اۆتوماتتاندىرىلعان گاز تاراتۋ ستانتسياسى ىسكە قوسىلعاندا 1 231 تۇرعىن تابيعي گازبەن قامتىلادى. بۇدان بولەك، بيىل تۇتىنۋشىلاردى ساپالى قۋات كوزىمەن قامتۋ ماقساتىندا ەلەكتر جەلىسىن تارتۋ جانە كوشەنى جارىقتاندىرۋ جۇمىستارى جانە ەكى كوشەگە اسفالت توسەۋ جۇمىستارى جۇرگىزىلەتىن بولادى.

 

35 

التىنتوبەنىڭ تۇرعىندارىمەن بولعان كەزدەسۋدە قالا باسشىسى اتقارىلىپ جاتقان جۇمىستاردىڭ بارلىعى تۇرعىنداردىڭ يگىلىگى ءۇشىن جاسالىپ وتىرعانىندىعىن، ەلدى مەكەندەگى وزەكتى ماسەلەلەر رەت-رەتىمەن شەشىلەتىندىگىن ايتتى.

سونىمەن بىرگە، اكىم گازبەن قامتۋ ماسەلەسىنە باسا نازار اۋدارىپ، اگرس-3 نىسانىن ىسكە قوسۋ بويىنشا ءتيىستى جۇمىستاردى اياقتاۋ جانە قوعامدىق كولىك ايالدامالارىن كوبەيتۋدى تاپسىردى.

سوڭعى جاڭالىقتار

ۇقساس جاڭالىقتار